Endı jeke kuälık jäne basqa da sifrlyq qūjattar Kaspi jäne Halyk Bank mobildı qosymşalarynda qoljetımdı bolady. Būl turaly Sifrlyq damu, innovasiialar jäne aeroǧaryş önerkäsıbı ministrı Baǧdat Musin mälımdedı, dep habarlaidy “Adyrna” ūlttyq portaly.
«Byltyrdan berı «Ūlttyq aqparattyq tehnologiialar» AQ, Kaspi jäne Halyk bankterı mamandarymen bırlesıp, sifrlyq qūjattardy mobildı qosymşalarǧa şyǧaru jūmysyn atqaryp jatyrmyz. Bügın osy mümkındık resmi türde ıske qosylady» dep jazdy ol äleumettık jelıde.
Ministrdıŋ aituynşa, qazır 10 mln qazaqstandyq tūraqty türde sifrlyq qūjattar servisın qoldanady.
«Būl öte yŋǧaily – özıŋmen bırge qūjattyŋ tüpnūsqasyn alyp jüru qajet emes. Bügınnen bastap servis Kaspi.kz jäne Halyk Homebank qosymşalarynda qoljetımdı. Sebebı, halyq memlekettık qyzmetterge bızdıŋ ǧana emes, özderıne yŋǧaily, kündelıktı qoldanatyn arnalary arqyly qol jetkızgenın qalaimyz», – dep atap öttı Musin.
Būl funksiia azamattardyŋ kelısımımen ǧana jüzege asyrylatyn bolady.
”Adyrna” ūlttyq portaly
