ماسكەۋگە قارسى قوزعالىس. ازەربايجان ۇلتتىق جاڭعىرۋ كۇنىن اتاپ وتۋدە

182
Adyrna.kz Telegram
https://www.adyrna.kz/storage/uploads/7OMY9H17SLfzb8bppjIRr1oJiFz0XWNUWtFZ5Ps5.jpg

فوتو جي كومەگىمەن جاسالدى

17 قاراشادا ازەربايجاندا ۇلتتىق جاڭعىرۋ كۇنى اتاپ وتىلەدى. بۇل مەرەكە ەلدەگى ۇلت-ازاتتىق قوزعالىستىڭ باستالۋىمەن جانە مەملەكەتتىڭ تاۋەلسىزدىككە ۇمتىلۋ تاريحىمەن بايلانىستى، دەپ حابارلايدى "ادىرنا".

Report.az اگەنتتىگىنىڭ مالىمەتىنشە، مەرەكەنىڭ تاريحى 1988 جىلدىڭ قاراشا-جەلتوقسان ايلارىندا باستالعان ۇلتتىق قوزعالىسقا بارىپ تىرەلەدى. سول كەزەڭدە تاۋلى قاراباق ماسەلەسىنە قاتىستى كەڭەس وداعى باسشىلىعىنىڭ ساياساتىنا نارازىلىق كۇشەيىپ، ازەربايجاندا كەڭەستىك بيلىككە قارسى حالىقتىق قوزعالىس ءورىس الدى.

1988 جىلعى 17 قاراشادا باكۋدەگى ازادلىگ الاڭىندا (سول كەزدەگى لەنين الاڭى) جاپپاي ميتينگ باستالدى. الاڭعا جينالعان ميلليونداعان ادام ماسكەۋدىڭ ازەربايجانعا قاتىستى ساياساتىنا قارسىلىق ءبىلدىردى. جەلتوقسان ايىنىڭ باسىندا كەڭەس وداعىنىڭ ىشكى اسكەرلەرى نارازىلىق شارالارىن كۇشپەن تاراتقانىمەن، بۇل ۇلتتىق-ازاتتىق قوزعالىستىڭ ودان ءارى ورىستەۋىنە كەدەرگى بولا المادى.

1990 جىلعى 17 قاراشادا ناحچىۆان اۆتونوميالىق رەسپۋبليكاسىنىڭ جوعارعى كەڭەسى جاڭا قۇرامداعى العاشقى سەسسياسىن وتكىزدى. وسى جيىندا اۆتونوميا اتاۋىنان «كەڭەستىك» جانە «سوتسياليستىك» سوزدەرى الىنىپ تاستالدى. سونداي-اق ازەربايجان دەموكراتيالىق رەسپۋبليكاسىنىڭ ءۇش ءتۇستى تۋىن مەملەكەتتىك ءرامىز رەتىندە قالپىنا كەلتىرۋ تۋرالى شەشىم قابىلدانىپ، ونى بۇكىل رەسپۋبليكادا مەملەكەتتىك تۋ رەتىندە بەكىتۋ جونىندە ۇسىنىس جاسالدى.

بۇل تاريحي وتىرىسقا ازەربايجاننىڭ بۇرىنعى پرەزيدەنتى، جالپىۇلتتىق كوشباسشى گەيدار اليەۆ توراعالىق ەتتى. اتالعان شەشىم ەلدىڭ ۇلتتىق مەملەكەتتىلىگىن جاڭعىرتۋ جانە تاۋەلسىزدىككە قول جەتكىزۋ جولىنداعى ماڭىزدى قادامداردىڭ ءبىرى بولدى.

ازەربايجاندا ۇلتتىق جاڭعىرۋ كۇنى 1992 جىلعى 17 قاراشادا رەسمي تۇردە بەلگىلەندى.

پىكىرلەر