فوتو: Report
«بىرلىك كۇشى — 2026» اسكەري وقۋ-جاتتىعۋلارى وزبەكستان، ازەربايجان جانە تۇركيا اسكەري قىزمەتشىلەرى اراسىنداعى ىنتىماقتاستىقتى نىعايتۋعا، جەدەل ۇيلەسىمدىلىككە قول جەتكىزۋگە جانە تاجىريبە الماسۋعا جاقسى مۇمكىندىك بولدى. بۇل تۋرالى وقۋ-جاتتىعۋ بارىسىندا وزبەكستاننىڭ قورعانىس ءمينيسترى شۋحرات حولمۋحامەدوۆ ايتتى، دەپ حابارلايدى “ادىرنا”.
«وقۋ-جاتتىعۋ اياسىندا ءاربىر اسكەري قىزمەتشى وزىنە جاۋىنگەرلىك جولداس تاۋىپ، جاڭا ءبىلىم مەن تاجىريبە الدى، اسكەري دايارلىق دەڭگەيىن ارتتىرىپ، جاۋىنگەرلىك مىندەتتەردى ورىنداۋعا قاجەتتى داعدىلاردى مەڭگەردى دەپ سەنەمىن»، — دەدى ول.
ايتا كەتەيىك، وقۋ-جاتتىعۋ ازەربايجاندا ءوتتى. وعان ازەربايجان، وزبەكستان جانە تۇركيا اسكەري قىزمەتشىلەرى قاتىسقان بولاتىن. ال يران، سلوۆاكيا، قىرعىزستان، تاجىكستان، گرۋزيا، پاكىستان، تۇركىمەنستان، سەربيا جانە بىرىككەن اراب امىرلىكتەرى باقىلاۋشى رەتىندە قاتىستى.
