«كىنامشىل پۋتين، قىڭىر زەلەنسكي». بايدەننىڭ مەمۋارى جارىققا شىقپاق

268
Adyrna.kz Telegram
https://www.adyrna.kz/storage/uploads/CJf7z9sXRfHURT25D0qKFNqWNWpHmALGrVrCH9ew.jpg

17 قاراشادا اقش-تىڭ 46-پرەزيدەنتى دجو بايدەننىڭ «Promise me, America» اتتى مەمۋارلىق كىتابى جارىق كورەدى. وندا ول اق ۇيدە وتكىزگەن ءتورت جىلى، وداقتاستارى مەن قارسىلاستارى، ۆلاديمير پۋتينمەن كەزدەسۋلەرى، ۆلاديمير زەلەنسكيمەن كۇردەلى قارىم-قاتىناسى جانە بينيامين نەتانياحۋمەن بولعان كەلىسپەۋشىلىكتەرى تۋرالى باياندايدى، دەپ حابارلايدى «ادىرنا» ءتىلشىسى BBC-گە سىلتەمە جاساپ.

بايدەن بۇل ەڭبەگىندە اقش تاريحىنداعى قازىرگى زاماننىڭ ەڭ كۇردەلى كەزەڭدەرىنىڭ بىرىندە قابىلداعان شەشىمدەرىن ءتۇسىندىرۋدى، سونداي-اق جەتىستىكتەرى، قيىندىقتارى مەن جەكە باسىنان وتكەن اۋىر قاسىرەتتەرى تۋرالى اشىق ايتۋدى ماقسات ەتكەن.

كىتاپ جارىققا شىقپاي تۇرىپ تانىسۋ مۇمكىندىگىنە يە بولعان امەريكالىق باسىلىمداردىڭ جازۋىنشا، بايدەن ءالى كۇنگە دەيىن قابىلداعان شەشىمدەرىنىڭ باسىم بولىگىن دۇرىس دەپ سانايدى. بۇل، اسىرەسە، ونىڭ پرەزيدەنتتىگى كەزىندەگى ەڭ كوپ داۋ تۋدىرعان ەكى وقيعاعا – اقش اسكەرىن اۋعانستاننان شىعارۋىنا جانە 2024 جىلى پرەزيدەنتتىك سايلاۋعا قايتا ءتۇسۋ تۋرالى شەشىمىنە قاتىستى. الايدا كەيىن ول بۇل نيەتىنەن باس تارتقان ەدى.

سونىمەن قاتار مەمۋارداعى ەڭ نازار اۋدارارلىق تۇستاردىڭ بىرقاتارى بايدەننىڭ وزىنە ەمەس، ونىمەن كەزدەسىپ، قارىم-قاتىناس ورناتۋعا تۋرا كەلگەن الەمدىك كوشباسشىلارعا ارنالعان.

دجو بايدەننىڭ ۆلاديمير پۋتينمەن كەزدەسۋلەرىنەن ەسىندە ەرەكشە ساقتالعان جايت – رەسەي پرەزيدەنتىنىڭ ءوزىن ۇستاۋ مانەرى بولسا كەرەك.

The Wall Street Journal باسىلىمىنىڭ جازۋىنشا، بايدەن ءپۋتيننىڭ قارىم-قاتىناس كەزىندەگى ءۇنىن «تىتىركەندىرەرلىك، كىنامشىل بالانىڭ مىنەزىندەي» دەپ سيپاتتاعان. ونىڭ ايتۋىنشا، كەزدەسۋلەر بارىسىندا رەسەي پرەزيدەنتى ورىندىققا شالقايا جايعاسىپ، اينالاسىندا بولىپ جاتقان جايتتارعا نەمقۇرايدى قاراعان.بايدەننىڭ سيپاتتاۋىنشا، ول ء«جاسوسپىرىم سەكىلدى» ارەكەت ەتكەن. بايدەن ۆلاديمير

زەلەنسكي تۋرالى دا اشىق پىكىر بىلدىرگەن. اقش-تىڭ بۇرىنعى پرەزيدەنتى زەلەنسكيدىڭ اكتەرلىك مانسابى سوعىس جاعدايىندا ەل باسقارۋعا جاقسى دايىندىق بولعانىن مويىندايدى. الايدا مەمۋارداعى جازبالارعا قاراعاندا، ۋكراينا پرەزيدەنتىمەن جەكە قارىم-قاتىناس ورناتۋ ءاردايىم وڭاي بولماعان.

پىكىرلەر