رەسەي پرەزيدەنتى ۆلاديمير پۋتين "تىكەلەي جەلىدە" دونالد ترامپپەن قارىم-قاتىناسى جانە ۋكراينادان ەلەۋلى ىمىرالاردى تالاپ ەتەتىن بەيبىتشىلىك جوسپارى جونىندە ايتتى. بۇل تۋرالى ۆۆس جازدى، دەپ حابارلايدى "ادىرنا".
اقش-تىڭ NBC تەلەارناسىنىڭ ءتىلشىسى 2026 جىلى ۋكرايندار مەن رەسەيلىكتەردىڭ قازا تابۋىنا بايلانىستى پۋتين ءوزىن جاۋاپتى سەزىنە مە دەگەن ساۋال كوتەردى.
ء«بىز ادامداردىڭ قازا تابۋىنا ءوزىمىزدى كىنالى دەپ سانامايمىز، ويتكەنى سوعىستى ءبىز باستاعان جوقپىز»، -دەپ جاۋاپ بەردى پۋتين.
ول بۇل تۇستا 2014 جىلى ۋكراينادا بولعان «انتيكونستيتۋتسيالىق توڭكەرىس» تۋرالى ءوز ۇستانىمىن تاعى دا قايتالادى.
ءپۋتيننىڭ ايتۋىنشا، كرەمل 2022 جىلدىڭ اقپانىندا «كيەۆ باتىستىڭ قولداۋىمەن باستاعان سوعىستى اياقتاۋ ءۇشىن قارۋلى كۇشتەردى قولدانۋعا ءماجبۇر بولدى». بۇل — رەسەي باسشىسىنىڭ بۇرىننان كەلە جاتقان رەسمي ۇستانىمى.
رەسەي پرەزيدەنتى دونالد ترامپتىڭ قاقتىعىستى بەيبىت جولمەن رەتتەۋگە «شىنايى ءارى بايىپتى كۇش سالىپ جاتقانىن» اتاپ ءوتتى. ونىڭ سوزىنشە، تامىز ايىندا انكوريدجدە وتكەن سامميتتە تاراپتار ترامپ ۇسىنعان جوسپاردى تالقىلاپ، «نەگىزىنەن كەلىسىمگە كەلگەن».
«سوندىقتان ءبىز قانداي دا ءبىر ۇسىنىستى قابىلدامادىق دەۋ — مۇلدە دۇرىس ەمەس ءارى نەگىزسىز»، - دەدى پۋتين. ول انكوريدجدەگى كەزدەسۋدە بۇل شەشىمدەر رەسەي ءۇشىن وڭاي بولماعانىن، بىراق ۇسىنىلعان ىمىرامەن كەلىسۋگە دايىن ەكەنىن جەتكىزدى.
پۋتين قازىرگى جاعدايدا باستاما ۋكراينا مەن ونىڭ ەۋروپالىق وداقتاستارىنىڭ قولىندا ەكەنىن ايتتى.
ء«بىز كەلىسسوزدەرگە دە، قاقتىعىستى بەيبىت جولمەن اياقتاۋعا دا دايىنبىز»، — دەپ مالىمدەدى رەسەي پرەزيدەنتى.
