«Kınämşıl Putin, qyŋyr Zelenskii». Baidennıŋ memuary jaryqqa şyqpaq

267
Adyrna.kz Telegram
https://www.adyrna.kz/storage/uploads/CJf7z9sXRfHURT25D0qKFNqWNWpHmALGrVrCH9ew.jpg

17 qaraşada AQŞ-tyŋ 46-prezidentı Djo Baidennıŋ «Promise me, America» atty memuarlyq kıtaby jaryq köredı. Onda ol Aq üide ötkızgen tört jyly, odaqtastary men qarsylastary, Vladimir Putinmen kezdesulerı, Vladimir Zelenskiimen kürdelı qarym-qatynasy jäne Biniamin Netaniahumen bolǧan kelıspeuşılıkterı turaly baiandaidy, dep habarlaidy «Adyrna» tılşısı BBC-ge sılteme jasap.

Baiden būl eŋbegınde AQŞ tarihyndaǧy qazırgı zamannyŋ eŋ kürdelı kezeŋderınıŋ bırınde qabyldaǧan şeşımderın tüsındırudı, sondai-aq jetıstıkterı, qiyndyqtary men jeke basynan ötken auyr qasıretterı turaly aşyq aitudy maqsat etken.

Kıtap jaryqqa şyqpai tūryp tanysu mümkındıgıne ie bolǧan amerikalyq basylymdardyŋ jazuynşa, Baiden älı künge deiın qabyldaǧan şeşımderınıŋ basym bölıgın dūrys dep sanaidy. Būl, äsırese, onyŋ prezidenttıgı kezındegı eŋ köp dau tudyrǧan ekı oqiǧaǧa – AQŞ äskerın Auǧanstannan şyǧaruyna jäne 2024 jyly prezidenttık sailauǧa qaita tüsu turaly şeşımıne qatysty. Alaida keiın ol būl nietınen bas tartqan edı.

Sonymen qatar memuardaǧy eŋ nazar audararlyq tūstardyŋ bırqatary Baidennıŋ özıne emes, onymen kezdesıp, qarym-qatynas ornatuǧa tura kelgen älemdık köşbasşylarǧa arnalǧan.

Djo Baidennıŋ Vladimir Putinmen kezdesulerınen esınde erekşe saqtalǧan jait – Resei prezidentınıŋ özın ūstau mänerı bolsa kerek.

The Wall Street Journal basylymynyŋ jazuynşa, Baiden Putinnıŋ qarym-qatynas kezındegı ünın «tıtırkendırerlık, kınämşıl balanyŋ mınezındei» dep sipattaǧan. Onyŋ aituynşa, kezdesuler barysynda Resei prezidentı oryndyqqa şalqaia jaiǧasyp, ainalasynda bolyp jatqan jaittarǧa nemqūraidy qaraǧan.Baidennıŋ sipattauynşa, ol «jasöspırım sekıldı» äreket etken. Baiden Vladimir

Zelenskii turaly da aşyq pıkır bıldırgen. AQŞ-tyŋ būrynǧy prezidentı Zelenskiidıŋ akterlık mansaby soǧys jaǧdaiynda el basqaruǧa jaqsy daiyndyq bolǧanyn moiyndaidy. Alaida memuardaǧy jazbalarǧa qaraǧanda, Ukraina prezidentımen jeke qarym-qatynas ornatu ärdaiym oŋai bolmaǧan.

Pıkırler