Qyrǧyzstan astanasy Bışkekte Şanhai yntymaqtastyq ūiymynyŋ sammitı aiasynda Qazaqstan Prezidentı Qasym-Jomart Toqaev Resei basşysy Vladimir Putinmen kezdestı, dep habarlaidy "Adyrna" tılşısı.
Būl turaly Aqorda habarlady.
Kezdesu barysynda taraptar Qazaqstan men Resei arasyndaǧy köpjaqty yntymaqtastyqtyŋ qarqyndy damyp kele jatqanyn atap öttı. Memleketter basşylary ekıjaqty qarym-qatynastardyŋ dostyq, tatu körşılık jäne odaqtastyq ruhynda nyǧaiyp otyrǧanyn aitty.
Vladimir Putin Qasym-Jomart Toqaevty Qūryltai sailauynyŋ sättı ötuımen qūttyqtady. Resei prezidentı sailau nätijelerı Qazaqstannyŋ odan ärı damuyna, ışkı saiasi tūraqtylyqty nyǧaituǧa, ekonomikany örkendetuge jäne halyqtyŋ äl-auqatyn arttyruǧa baǧyttalǧan strategiialyq baǧytyna halyqtyŋ keŋ qoldauyn körsetkenın atap öttı.
Prezident Qasym-Jomart Toqaev öz kezegınde Qazaqstandaǧy konstitusiialyq reformany jüzege asyru barysyna toqtaldy.
«Qazaqstandy jaŋǧyrtu prosesı ūlttyq müddelerge säikes jalǧasady. Reforma üşın reforma jürgızuge bolmaidy. Eŋ aldymen, azamattarymyzdyŋ müddesıne basymdyq beruımız qajet», – dedı Memleket basşysy.
Prezident ekı el arasyndaǧy sauda-ekonomikalyq bailanystardyŋ da oŋ dinamikasyn atap öttı. Onyŋ aituynşa, Resei Qazaqstannyŋ negızgı investisiialyq jäne sauda serıktesı bolyp qala beredı.
«Mamyr aiynda Astanaǧa jasaǧan memlekettık saparyŋyz tolyq tabysty öttı. Özınıŋ sipaty men mazmūny jaǧynan būl sapar tarihi boldy. Qazır Ükımet qol qoiylǧan barlyq kelısımdı ıske asyrumen ainalysyp jatyr. Sauda-sattyqtyŋ qarqyndy damyp kele jatqanyn atap öttıŋız. Ötken jylmen salystyrǧanda ösım bar», – dedı Qazaqstan basşysy Qasym-Jomart Toqaev.
Vladimir Putin de Qazaqstan men Resei arasyndaǧy yntymaqtastyqtyŋ barlyq baǧyt boiynşa qarqyndy damyp kele jatqanyn aitty.
Resei basşysynyŋ mälımetınşe, ekı el arasyndaǧy tauar ainalymy ösıp keledı. Sonymen qatar memleketter ırı bırlesken jobalar men özektı mäseleler boiynşa jūmys jürgızıp jatyr.
Putin gumanitarlyq bailanystardyŋ damuyna erekşe toqtaldy. Onyŋ aituynşa, Reseidıŋ joǧary oqu oryndarynda Qazaqstannan 60 myŋ student bılım alyp jatyr. Sondai-aq Ombyda Qazaqstannyŋ jetekşı joǧary oqu oryndarynyŋ bırınıŋ filialy aşylǧan.
Kezdesu soŋynda memleketter basşylary sauda-ekonomikalyq jäne investisiialyq yntymaqtastyqty odan ärı nyǧaitu perspektivalaryn talqylady. Sondai-aq özara qyzyǧuşylyq tudyratyn salalardaǧy bırlesken jobalardy ıske asyru mäselelerı qaraldy.
