Qaraǵandy oblysynda, búkil Qazaqstandaǵydaı, qalalar men aýdandardyń kósheleri, gúlzarlary jáne saıabaqtary tazartylýda. Búgin "Taza Qazaqstan" akııasy aıasynda "Taza beısenbi" ótýde.
Eldi mekenderdiń kóshelerine memlekettik qyzmetkerler, bıznes ókilderi, turǵyndar men eriktiler shyqty. Akııaǵa myńnan astam uıymdar men kásiporyndar qosyldy. Olar qoqystardy jınaıdy, aýmaqtardy kórkeıtedi.
Atap aıtqanda, Qaraǵandyny jınaý úshin qala sektorlar boıynsha bólindi. Kún saıyn 5 myń tekshe metrden astam qoqys pen qatty qaldyqtar shyǵarylady.
Búgin Qaraǵandy ákimdiginiń, Qazybek bı jáne Álıhan Bókeıhan aýdandarynyń belsendileri men qyzmetkerleri halyq tyǵyz qonystanǵan aýmaqtardy tazartpaqshy.
Bul Ońtústik-Shyǵystaǵy turǵyn úı keshenderiniń aınalasyndaǵy aýla alańdary, Vostok-1, 2, 3 shaǵyn aýdandary. 7 myń tekshe metrden astam qoqys pen QTQ shyǵarý josparlanýda.
Kókpekti aýylynyń ekobelsendileri Qaraǵandy – Qarqaraly tas jolynyń boıynda senbilik ótkizdi.
“Biz Kókpekti aýyldyq okrýginiń qoǵam qaıratkerlerimiz. Úshinshi kún qatarynan Qaraǵandy – Qarqaraly tas jolynyń boıyn qoqystan tazartyp jatyrmyz. Aýdanymyzdyń basqa turǵyndaryn da osy sharaǵa qosylýǵa shaqyramyz!" – dep belsendiler jerlesterine júginedi.
Akııany balqashtyqtar da qoldady. Onda sanıtarlyq tazartý boıynsha aýqymdy chellendj iske qosyldy. Bul sharaǵa qoǵamnyń ártúrli toptary: stýdentter, eriktiler, kásipkerler, kópqabatty úılerdiń turǵyndary, polıııa qyzmetkerleri men kommýnaldyq qyzmetter qoldaý kórsetti.
Baıseıitova kóshesindegi № 3 úıdiń turǵyndary óz aýlalarynda senbilik uıymdastyrdy. Aýla aýmaǵyn birge tazartyp, aǵashtar men qorshaýlardy áktedi, joldardy sypyrdy, qoqystardy jınady.
Azamattardan qoqys tastamaýdy jáne tazalyq pen tártipti saqtaýdy suraımyz. Sondaı-aq, barshańyzdy úı mańyndaǵy aýmaqtardy tazalaýǵa úles qosýǵa jáne qalany birlesken kúsh-jigermen jaıly, qaýipsiz jáne taza etýge shaqyramyz", – dep qala tazalyǵyna beı-jaı qaramaıtyn belsendiler qala turǵyndaryn senbilikke shyǵýǵa shaqyrdy.
Búgingi tańda qalada 3000-ǵa jýyq qoqys jınaldy.
Sondaı-aq, aǵashtardy sanıtarlyq kesý, qalanyń syrtqy kelbetin retke keltirý jáne kógaldandyrý uıymdastyryldy.
"Taza Qazaqstan" ekologııalyq akııasy bes aptaǵa sozylady.
