Bügın Sätbaev qalasy Jastar resurstyq ortalyǧynyŋ ūiymdastyruymen elımızde keŋ kölemde jüzege asyrylyp jatqan “Taza Qazaqstan” ekologiialyq aksiiasy aiasynda qala tūrǧyndaryna arnalǧan aqparattyq-tüsındıru jūmystary ötkızıldı.
Aksiianyŋ basty maqsaty – qoǧamda ekologiialyq mädeniettı qalyptastyru, tūrǧyndardyŋ tabiǧatqa degen jauapkerşılıgın arttyru jäne qorşaǧan ortany qorǧau baǧytynda belsendı azamattyq ūstanym qalyptastyru boldy.
Is-şara barysynda ortalyqtyŋ belsendı volonter jastary qala köşelerın aralap, tūrǧyndarǧa ekologiialyq tazalyqtyŋ maŋyzdylyǧy jönınde tüsındırme jūmystaryn jürgızdı. Sonymen qatar, qorşaǧan ortany qorǧau baǧytyndaǧy arnaiy daiyndalǧan aqparattyq broşiuralardy taratty.
Tūrǧyndarǧa taratylǧan broşiuralarda:
• Qorşaǧan ortany lastamau,
• Qaldyqtardy sūryptap tastau,
• Tūrmystyq qoqysty dūrys joiu,
• Tabiǧatqa janaşyrlyqpen qarau jönınde maŋyzdy keŋester men ūsynystar qamtylǧan.
Jastardyŋ bastamasymen ötken būl şara ekologiialyq jauapkerşılıktı arttyryp qana qoimai, qoǧamda “taza qala – taza bolaşaq” qaǧidasyn nasihattauǧa baǧyttaldy.
Jastar resurstyq ortalyǧy aldaǧy uaqytta da öŋırdıŋ ekologiialyq jaǧdaiyn jaqsartuǧa baǧyttalǧan jobalardy tūraqty türde jüzege asyrudy josparlap otyr.
Osyndai igı ıster arqyly bız bırge taza ärı jaily bolaşaqty qalyptastyra alamyz!
Ūqsas jaŋalyqtar
