Temırtauda «Taza Qazaqstan» jalpyūlttyq baǧdarlamasy aiasyndaǧy igı bastamalar jalǧasuda. Būl joly qala jastary, volonterler men ekobelsendıler jaǧalau aumaǧyna şyǧyp, ainalany tazalap qana qoimai, ekologiialyq aksiiany tartysty ärı taǧylymdy saiysqa ainaldyrdy.
Qatysuşylar «Taza oiyndar» formatynda tūrmystyq qaldyqtardy jinap, özara jarysty. Jinalǧan qoqys türıne qarai sūryptaldy. Osylaişa ekologiialyq bastama paidaly ıske, komandalyq ruhqa jäne belsendı demalysqa ūlasty.
Aksiianyŋ basty maqsaty – jaǧalau aumaǧyn qoqystan tazartu ǧana emes, jastardyŋ ekologiialyq mädenietın qalyptastyryp, tabiǧatqa jauapkerşılıkpen qarau qūndylyǧyn nyǧaitu.
— «Taza Qazaqstan» – qorşaǧan ortany tazalaumen ǧana şektelmeitın, tabiǧatqa janaşyrlyq pen jauapkerşılıktı är adamnyŋ kündelıktı ömır saltyna ainaldyrudy közdeitın bastama. «Taza oiyndar» aksiiasy arqyly jastardy bırlıkke, belsendılıkke jäne tuǧan qalasynyŋ tazalyǧyna öz ülesın qosuǧa şaqyramyz. Taza orta ärqaisymyzdan bastalady! – dedı Jasyl El ūiymynyŋ üilestıruşısı Miras Iаuda.
Aksiiaǧa qatysuşylardyŋ pıkırınşe, qalanyŋ tazalyǧy tek senbılıkter men bır rettık ekologiialyq şaralarǧa täueldı bolmauy kerek. Ol är adamnyŋ kündelıktı qarapaiym äreketınen bastalady: qoqys tastamau, qaldyqtardy sūryptau, tabiǧi aumaqtarǧa ūqypty qarau jäne tuǧan qalanyŋ tazalyǧyna beijai qaramau.
Ekologiialyq bastama jastardyŋ, volonterler men belsendı tūrǧyndardyŋ küş bırıktırse, tuǧan qalanyŋ kelbetın jaqsartuǧa bolatynyn körsetken taǧy bır igı ıske ainaldy.
