Şymkent qalasynda tūrǧyndardyŋ ömır süru sapasyn arttyru, qauıpsızdık deŋgeiın küşeitu jäne ekologiialyq tūraqtylyqty qamtamasyz etu baǧytynda jüielı jūmystar jürgızılude. Qala äkımdıgı men tiıstı basqarmalar tarapynan qoǧamdyq kölık qyzmetın jetıldıru, tūrmystyq qauıpsızdık mädenietın damytu, ekologiialyq ahualdy jaqsartu jäne qūqyq būzuşylyqtardyŋ aldyn alu şaralary tūraqty türde qolǧa alynuda.
Qoǧamdyq kölık qyzmetın jaqsartu
Soŋǧy uaqytta äleumettık jelılerde qaladaǧy qoǧamdyq kölıkterdıŋ qozǧalysyna qatysty köterılgen mäseleler äkımdık nazarynan tys qalmady. Äsırese №52 baǧyttaǧy avtobustyŋ jüktemesıne qatysty şaǧymdar boiynşa naqty şaralar qabyldandy. Bügınde būl baǧytta 18 avtobus jūmys künderı 10–15 minuttyq intervalmen, al demalys künderı 16 avtobus 15–20 minuttyq aralyqpen qyzmet körsetedı.
Marşruttyŋ qozǧalys syzbasy qaita qaralyp, būrynǧy soŋǧy aialdamasy «SUM»-nan T. Aibergenov köşesıne deiın ūzartyldy. Būl şeşım tūrǧyndardyŋ dıttegen jerıne yŋǧaily jetuıne jäne auysyp mınu qajettılıgın azaituǧa mümkındık berdı.
Sondai-aq qaladaǧy 300 myŋ oquşynyŋ tek 30 647-ı ǧana jol jüru kartasyn räsımdegen. Sol sebeptı ata-analarǧa balalarynyŋ elektrondy karta arqyly är saparyn tırkeuın qadaǧalau ūsynylady. Būl qoǧamdyq kölık sapasyn arttyryp, baǧyttaǧy avtobustar sanyn köbeituge yqpal etedı.
Aita keterlıgı, oquşylarǧa arnalǧan jol jüru kartasy endı jenil.avtobys.kz saity arqyly onlain räsımdeledı. Būl qyzmet tegın ärı yŋǧaily.
Ekologiialyq qauıptıŋ aldyn alu jäne tabiǧatty qorǧau şaralary.
2025 jyldyŋ 8 qazanynda Tölemetov pen Bäiterekov köşelerınıŋ qiylysynda jolǧa nefteşlam tögılu faktısı oryn alǧan edı. Tiıstı qyzmetter jedel äreket etıp, tögılgen qaldyqtar tolyqtai tazartylyp, aumaq qalpyna keltırıldı. Zerthanalyq taldau nätijesınde aua sapasy normadan aspaǧany anyqtaldy. Būl jedel şaralardyŋ arqasynda ekologiialyq qauıptıŋ aldyn alu mümkın boldy.
Qalalyq äkımdık pen jauapty qyzmetter mūndai jaǧdailardyŋ qaitalanbauy üşın tasymaldauşy kompaniialarmen tüsındıru jäne profilaktikalyq jūmystardy küşeittı.
Jasyl beldeu men ekoparkterdı damytu
Qala aumaǧynda ekologiialyq mädeniettı arttyru baǧytynda kögaldandyru men abattandyru jūmystary qarqyndy jürgızılude. Abai audanynda būrynǧy qoqys poligonynyŋ ornynda jaŋa «Ekopark» saiabaǧynyŋ qūrylysy bastaldy.
Joba aiasynda 5 000-nan astam aǧaş köşetı otyrǧyzylyp, avtomatty suǧaru jüiesı ornatyluda. Sonymen qatar, demeuşıler esebınen 1 800 jemıs aǧaşy men 1 215 m² aumaqqa sändık ösımdıkter egılmek. Qala köşelerınde 32 su ūŋǧymasy ıske qosylyp, 54 şaqyrym jol boiyna gazon töseldı.
Jylyjaida ösırıletın gül köşetterı 2026 jyly qala köşelerıne 1,6 millionnan astam gül eguge mümkındık beredı. Būl bastama qalanyŋ körkın arttyryp qana qoimai, ekologiialyq tūraqtylyq pen biudjettık ünemdılıktı qamtamasyz etedı.
Qoǧamdyq tärtıp pen qauıpsızdık
Qalada alaiaqtyq, ūrlyq jäne jol-kölık oqiǧalarynyŋ aldyn alu şaralary küşeitılude. Ötken aptada 176 qylmystyq ıs tırkelse, onyŋ ışınde internet-alaiaqtyq jaǧdailary basym.
Qūzyrly organdar azamattardy internet arqyly tauar satyp alǧanda saq boluǧa jäne jeke bank kartalaryn bögde adamdarǧa bermeuge şaqyrady. Sonymen qatar, jol qozǧalysy erejelerın qataŋ saqtau, balalardyŋ samokat pen skuterdı qauıpsız paidalanuyn baqylau qajettıgı eskertıldı.
Tūrǧyn üilerde ūrlyqtyŋ aldyn alu maqsatynda beinebaqylau kameralaryn ornatu jäne qyraǧylyq tanytu ūsynyldy.
Gazdy qauıpsız paidalanu mädenietı
Qala aumaǧynda tūrmystyq gazdan ulanu jaǧdailarynyŋ aldyn alu üşın keşendı profilaktikalyq ıs-şaralar jürgızılude. Qyzyl jäne täuekel aimaqtarynda («Samal», «Qaitpas», «Nūrsät», «Köksai» jäne t.b.) tüsındıru jūmystary jürgızılıp, 2025 abonent boiynşa tehnikalyq säikessızdıkter anyqtaldy.
Qauıpsızdık maqsatynda 230 üi uaqytşa gaz jüiesınen ajyratylyp, kemşılıkter joiylǧannan keiın qaita qosylady. QR ÄQBtK-nıŋ 305 jäne 306 baptaryna säikes 84 azamatqa jalpy somasy 1,3 mln teŋgeden astam aiyppūl salyndy.
Mamandar tūrǧyndardy gaz jabdyqtaryn uaqtyly tekserıp, qauıpsızdık erejelerın saqtauǧa şaqyrady.
Jalpy, Şymkent qalasynda atqarylyp jatqan būl keşendı şaralar megapolistıŋ ekologiialyq tazalyǧyn, qauıpsızdıgın jäne tūrǧyndarǧa jaily ömır süru ortasyn qamtamasyz etuge baǧyttalǧan.
Şymkent – zamanaui infraqūrylymy damyǧan, qauıpsızdık pen ekologiialyq tūraqtylyqqa basymdyq beretın qala retınde tūraqty damu jolynda nyq qadam jasauda.
