Şymkent qalasynda äleumettık infraqūrylymdy damytu jäne erekşe kütımdı qajet etetın adamdarǧa qolaily orta qalyptastyru baǧytyndaǧy auqymdy jobalar jüielı jüzege asyrylyp keledı.
Sonyŋ bırı – Memleket basşysynyŋ tapsyrmasyna säikes salynyp jatqan 150 oryndyq zamanaui oŋaltu ortalyǧy.
2024 jyldyŋ jeltoqsan aiynda bastalǧan qūrylys bügınde qarqyndy jürgızılude. Bozaryq şaǧynaudanynda ornalasqan keşennıŋ jalpy aumaǧy 5,3 gektardy qūraidy. Joba 5 bloktan tūrady jäne halyqaralyq talaptarǧa sai jabdyqtalmaq.
Ortalyqta I-II toptaǧy mügedektıgı bar azamattarǧa jartylai stasionarlyq jaǧdaida arnauly äleumettık qyzmetter körsetıledı. Būl qyzmetter osy sanattaǧy azamattardyŋ ömır sapasyn arttyruǧa, olardyŋ qoǧamǧa beiımdeluıne jäne äleumettık qoldaudy jan-jaqty qamtamasyz etuge baǧyttalǧan.
Keşen aumaǧynda sport zaly, emdık-sauyqtyru basseinı, akt zaly, üş qabatty oŋaltu korpusy, keŋ ashana, ekı qabatty stasionar jäne qosymşa tehnikalyq nysandar qarastyrylǧan.
Qazırgı taŋda qūrylystyŋ 60 paiyzy aiaqtaldy. Barlyq jūmys tiıstı talaptar men sapa standarttaryna säikes jürgızılude. Nysan qūrylysynda 262 jūmysşy eŋbek etedı.
Jobany 2026 jyldyŋ jeltoqsan aiynda aiaqtap, paidalanuǧa beru josparlanyp otyr. Būl bastama Şymkenttıŋ äleumettık jauapkerşılıgı joǧary megapolis retındegı äleuetın arttyryp, qala tūrǧyndary üşın qolaily ärı qamqor orta qalyptastyruǧa serpın beredı.
