“Şymkenttegı äskeri bölımde oqys oqiǧa boldy. Ofiser ölımı tırkeldı”, dep habarlaidy “Adyrna”.
Şymkentte 2 äskeri qyzmetker qaşyqtyqqa jügırgennen keiın jaǧdaiy naşarlap, auruhanaǧa tüsken. Kelesı künı onyŋ bıreuı auruhanada köz jūmǧan. Būl aqparatty QR Ūlttyq ūlany «Oŋtüstık» öŋırlık qolbasşylyǧynyŋ baspasöz qyzmetı rastap otyr. Resmi habarlamada:
«2023 jyly 15 mausymda Şymkent qalasyndaǧy 6506 äskeri bölımnıŋ jauyngerlık daiarlyq josparyna säikes, äskeri qyzmetşıler oily-qyrly jerlerde qaşyqtyqqa jügıru jattyǧuyn ötkızgen. Şara aiaqtalǧan soŋ äskeri qyzmetşı B. Baijanov özın naşar sezıngen, oǧan dereu alǧaşqy medisinalyq kömek körsetıldı. Ärı qarai ol Şymkent qalasynyŋ bırınşı qalalyq klinikalyq auruhanasyna jetkızılıp, jansaqtau bölımıne jatqyzyldy. Ertesıne saǧat 17.15 şamasynda äskeri qyzmetşı qaitys boldy»,-dep jazylǧan. Derek boiynşa män-jaidy anyqtau üşın qyzmettık tergeu jürgızılıp jatyr.
Ūqsas jaŋalyqtar
