Shymkentte kórisý kúninde urpaqtar sabaqtastyǵy ulyqtaldy

2193
Adyrna.kz Telegram

Búgin shymkenttikter Áz Naýryzdyń alǵashqy merekesi - Kórisý kúnin atap ótýde. Tańerteń Astana alańynan bastaý alǵan mereke qalanyń birqatar kórikti oryndarynda, Shymqala etnoaýylynda jalǵasty. Qystan kókóraı kóktemge aman jetken jurtshylyq Kórisý kúnininiń ıgi dástúrin jalǵap, bir-birinen saýlyq surasyp, tós qaǵystyrdy.

Bul kúni qala ákimi Murat Áıtenov shymkenttikterdi Kórisý kúnimen quttyqtap, Ulystyń Uly kúni qarsańynda urpaqtar sabaqtastyǵyn jalǵastyrý maqsatynda qala jastarymen kórisip, «Belsendi uzaq ómir ortalyǵyndaǵy» qarııalardyń amandyǵyn surap, batasyn aldy. Ulttyq kıim kıip, dombyrasyn asynǵan ónerpazdar án-jyrdan shashý shashyp, Kórisý merekesiniń kórkin qyzdyrdy. Abyz aqsaqaldar men ájelerdiń jas býynmen jarqyn júzdesýi ult bolashaǵy, jastar tárbıesi, ulttyq qundylyqtar týrasyndaǵy taǵlymdy suqbatqa ulasty.

Kún saıyn munda 700-den astam turǵyn 30 shaqty qyzmet túrin alady. Zamana talabyna saı jabdyqtalǵan ortalyq búginde qarııalardyń basyn qosatyn alańǵa aınalyp otyr.

Kórisý – jurtshylyqtyń bir-birine amandasyp, jaqsylyq tileıtin qaýyshý merekesi ǵana emes, jasy úlkenderge izet kórsetip, iltıpat bildiretin izgi amal. Bul kúnniń óskeleń urpaqty izettilik pen meıirimdilikke, tatýlyq pen baýyrmaldyqqa shaqyratyn taǵylymy mol.

"Adyrna" ulttyq portaly

Pikirler