تەمىرتاۋدا «تازا قازاقستان» جالپىۇلتتىق باعدارلاماسى اياسىنداعى يگى باستامالار جالعاسۋدا. بۇل جولى قالا جاستارى، ۆولونتەرلەر مەن ەكوبەلسەندىلەر جاعالاۋ اۋماعىنا شىعىپ، اينالانى تازالاپ قانا قويماي، ەكولوگيالىق اكتسيانى تارتىستى ءارى تاعىلىمدى سايىسقا اينالدىردى.
قاتىسۋشىلار «تازا ويىندار» فورماتىندا تۇرمىستىق قالدىقتاردى جيناپ، ءوزارا جارىستى. جينالعان قوقىس تۇرىنە قاراي سۇرىپتالدى. وسىلايشا ەكولوگيالىق باستاما پايدالى ىسكە، كوماندالىق رۋحقا جانە بەلسەندى دەمالىسقا ۇلاستى.
اكتسيانىڭ باستى ماقساتى – جاعالاۋ اۋماعىن قوقىستان تازارتۋ عانا ەمەس، جاستاردىڭ ەكولوگيالىق مادەنيەتىن قالىپتاستىرىپ، تابيعاتقا جاۋاپكەرشىلىكپەن قاراۋ قۇندىلىعىن نىعايتۋ.
— «تازا قازاقستان» – قورشاعان ورتانى تازالاۋمەن عانا شەكتەلمەيتىن، تابيعاتقا جاناشىرلىق پەن جاۋاپكەرشىلىكتى ءار ادامنىڭ كۇندەلىكتى ءومىر سالتىنا اينالدىرۋدى كوزدەيتىن باستاما. «تازا ويىندار» اكتسياسى ارقىلى جاستاردى بىرلىككە، بەلسەندىلىككە جانە تۋعان قالاسىنىڭ تازالىعىنا ءوز ۇلەسىن قوسۋعا شاقىرامىز. تازا ورتا ارقايسىمىزدان باستالادى! – دەدى Jasyl El ۇيىمىنىڭ ۇيلەستىرۋشىسى ميراس ياۋدا.
اكتسياعا قاتىسۋشىلاردىڭ پىكىرىنشە، قالانىڭ تازالىعى تەك سەنبىلىكتەر مەن ءبىر رەتتىك ەكولوگيالىق شارالارعا تاۋەلدى بولماۋى كەرەك. ول ءار ادامنىڭ كۇندەلىكتى قاراپايىم ارەكەتىنەن باستالادى: قوقىس تاستاماۋ، قالدىقتاردى سۇرىپتاۋ، تابيعي اۋماقتارعا ۇقىپتى قاراۋ جانە تۋعان قالانىڭ تازالىعىنا بەيجاي قاراماۋ.
ەكولوگيالىق باستاما جاستاردىڭ، ۆولونتەرلەر مەن بەلسەندى تۇرعىنداردىڭ كۇش بىرىكتىرسە، تۋعان قالانىڭ كەلبەتىن جاقسارتۋعا بولاتىنىن كورسەتكەن تاعى ءبىر يگى ىسكە اينالدى.
