ۇلىتاۋ وبلىسىندا مەملەكەت باسشىسىنىڭ باستاماسىمەن جۇزەگە اسىپ جاتقان «تازا قازاقستان» رەسپۋبليكالىق ەكولوگيالىق اكتسياسى اياسىندا كەڭ اۋقىمدى «تازا اۋلا» جالپىوبلىستىق سەنبىلىگى ۇيىمداستىرىلدى.
ءىس-شارا بارىسىندا وڭىردە تازالىق جۇمىستارىمەن قاتار، اعاش ەگۋ جانە كوگالداندىرۋعا ەرەكشە باسىمدىق بەرىلدى. ەلدى مەكەندەردىڭ سانيتارلىق جاعدايىن جاقسارتۋ، قورشاعان ورتانى قورعاۋ جانە تۇرعىندار ءۇشىن جايلى ورتا قالىپتاستىرۋ باعىتىندا جۇيەلى جۇمىستار جۇرگىزىلدى.
سەنبىلىككە ۇلىتاۋ وبلىسىنىڭ اكىمى داستان رىسپەكوۆ تە ارنايى قاتىسىپ، ءوڭىر تۇرعىندارىمەن بىرگە تازالىق جۇمىستارىنا، اعاس ەگۋ ىسىنە اتسالىستى. بۇل — قورشاعان ورتاعا جاناشىرلىق تانىتىپ، قوعامدا ەكولوگيالىق مادەنيەتتى قالىپتاستىرۋدىڭ ماڭىزدى ۇلگىسى بولدى.
جالپى سەنبىلىككە 175 ۇجىم مەن 3500-گە جۋىق ازامات بەلسەندى تۇردە قاتىسىپ، 62 ارنايى تەحنيكا جۇمىلدىرىلدى. ناتيجەسىندە 228 قۋراعان اعاش بۇتالىپ، 5300-گە جۋىق جاسىل جەلەك وتىرعىزىلدى.
اتالعان شارا وڭىردە ەكولوگيالىق احۋالدى جاقسارتۋعا جانە بۇقارالىق ەكولوگيالىق مادەنيەتتى نىعايتۋعا باعىتتالعان جۇمىستاردىڭ جالعاسى بولىپ تابىلادى. الداعى ۋاقىتتا دا «تازا قازاقستان» اكتسياسى اياسىنداعى ءىس-شارالار جۇيەلى تۇردە جالعاسىن تابادى.
