Ūlytau oblysynda Memleket basşysynyŋ bastamasymen jüzege asyp jatqan «Taza Qazaqstan» respublikalyq ekologiialyq aksiiasy aiasynda keŋ auqymdy «Taza aula» jalpyoblystyq senbılıgı ūiymdastyryldy.
Is-şara barysynda öŋırde tazalyq jūmystarymen qatar, aǧaş egu jäne kögaldandyruǧa erekşe basymdyq berıldı. Eldı mekenderdıŋ sanitarlyq jaǧdaiyn jaqsartu, qorşaǧan ortany qorǧau jäne tūrǧyndar üşın jaily orta qalyptastyru baǧytynda jüielı jūmystar jürgızıldı.
Senbılıkke Ūlytau oblysynyŋ äkımı Dastan Ryspekov te arnaiy qatysyp, öŋır tūrǧyndarymen bırge tazalyq jūmystaryna, aǧas egu ısıne atsalysty. Būl — qorşaǧan ortaǧa janaşyrlyq tanytyp, qoǧamda ekologiialyq mädeniettı qalyptastyrudyŋ maŋyzdy ülgısı boldy.
Jalpy senbılıkke 175 ūjym men 3500-ge juyq azamat belsendı türde qatysyp, 62 arnaiy tehnika jūmyldyryldy. Nätijesınde 228 quraǧan aǧaş būtalyp, 5300-ge juyq jasyl jelek otyrǧyzyldy.
Atalǧan şara öŋırde ekologiialyq ahualdy jaqsartuǧa jäne būqaralyq ekologiialyq mädeniettı nyǧaituǧa baǧyttalǧan jūmystardyŋ jalǧasy bolyp tabylady. Aldaǧy uaqytta da «Taza Qazaqstan» aksiiasy aiasyndaǧy ıs-şaralar jüielı türde jalǧasyn tabady.
