Prezident Qasym-Jomart Toqaev Ūlytau öŋırınıŋ äleumettık-ekonomikalyq damuyna erekşe män berıp otyr. Oblysta azamattardyŋ ömır süru sapasyn jaqsartuǧa baǧyttalǧan jobalar belsendı türde jüzege asyryluda.
Mäselen, Memleket basşysynyŋ tapsyrmasymen densaulyq saqtau nysandary qūrylysyna Arnauly memlekettık qordan 880 mln teŋge bölındı.
Zaŋsyz iemdenılgen aktivterden tüsken qarajat «Auylda densaulyq saqtaudy jaŋǧyrtu» ūlttyq jobasy aiasynda Ūlytau jäne Jaŋaarqa audandarynda alǧaşqy medisinalyq-sanitariialyq kömek körsetetın 7 nysannyŋ qūrylysyna jūmsaldy.
Atap aitqanda, Aqtübek jäne Keŋgır auyldarynda jaŋa ekı därıgerlık ambulatoriia böi köterdı. Sondai-aq Betbūlaq, Pioner, Qorǧasyn, Ainabūlaq jäne Egındı auyldarynda bes medisinalyq punkt salynyp jatyr.
Nysandardy jyl soŋyna deiın paidalanuǧa beru josparlanǧan.
Atalǧan jobalardy jüzege asyru auyl tūrǧyndarynyŋ medisinalyq kömekke qoljetımdılıgın jaqsartady jäne Ūlytau öŋırındegı densaulyq saqtau jüiesın nyǧaituǧa maŋyzdy qadam bolmaq.
