2026 جىلدىڭ 18 ساۋىرىندە «تازا قازاقستان» ەكولوگيالىق باعدارلاماسى اياسىندا سارقان اۋدانىندا «7 OZEN» اكتسياسى ۇيىمداستىرىلدى.
اتالعان شارا بارىسىندا باسقان وزەنىنىڭ جاعالاۋى تازارتىلىپ، تابيعاتتى قورعاۋعا باعىتتالعان جۇمىستار جۇرگىزىلدى. سەنبىلىككە اۋدان اكىمىنىڭ ورىنباسارى الماس اجارحانۇلى بايگۋنىسوۆ، جوڭعار الاتاۋ مەملەكەتتىك ۇلتتىق تابيعي پاركىنىڭ ۇجىمى، جاستار مەن ەرىكتىلەر جانە ءوڭىر تۇرعىندارى بەلسەنە قاتىستى.
اۋدان اكىمىنىڭ ورىنباسارى الماس اجارحانۇلى بايگۋنىسوۆ: «تابيعاتتى قورعاۋ – بارشامىزدىڭ ورتاق مىندەتىمىز. وسىنداي اكتسيالار ارقىلى ءبىز قورشاعان ورتاعا دەگەن جاۋاپكەرشىلىكتى ارتتىرىپ، كەلەر ۇرپاققا تازا ءارى كورىكتى ءوڭىر قالدىرۋعا ۇلەس قوسامىز. ءار تۇرعىن تۋعان جەردىڭ تازالىعىنا بەيجاي قاراماۋى ءتيىس»، – دەپ اتاپ ءوتتى.
سەنبىلىككە 120-دان استام ادام قاتىسىپ، 6 ارنايى تەحنيكا جۇمىلدىرىلىپ، 20 توننادان استام قوقىس شىعارىلدى. تابيعاتتى ايالاۋ – ءار ازاماتتىڭ ورتاق مىندەتى. وسىنداي ەكولوگيالىق شارالار ءوڭىردىڭ تازالىعىن ساقتاۋعا ءوز ۇلەسىن قوسۋدا.
