«تازا قازاقستان» جالپىۇلتتىق ەكولوگيالىق اكتسياسى اياسىندا مۇنايلى اۋدانى باتىر اۋىلىنداعى ساياباقتا «تۇلەكتەردىڭ اعاش ەگۋ» ەكو-چەللەنجى باستالدى.
ماڭعىستاۋ وبلىستىق ءبىلىم باسقارماسىنىڭ حابارلاۋىنشا، ەكولوگيالىق باستامانىڭ ماقساتى - قورشاعان ورتانى قورعاۋ، وڭىردەگى جاسىل جەلەك اۋماعىن كەڭەيتۋ جانە وسكەلەڭ ۇرپاقتىڭ بويىندا ەكولوگيالىق مادەنيەتتى قالىپتاستىرۋ.
چەللەندجگە مۇنايلى اۋدانىنداعى №10, №15, №19, №20 ءبىلىم بەرۋ ۇيىمىنىڭ مەكتەپ ءبىتىرۋشى تۇلەكتەرى، سونداي-اق بەينەۋ اۋدانى بويىنشا قاراقۇم مەكتەبى مەن بەينەۋ جالپى ءبىلىم بەرەتىن مەكتەبىنىڭ وقۋشىلارى بەلسەنە قاتىستى. ولار 150 اعاش ەكتى. وقۋشىلار بۇل ەستافەتانى اۋدانداعى باسقا ءبىلىم بەرۋ ۇيىمدارىنا جولدادى.
ء«بىزدىڭ ماقساتىمىز - ءاربىر وقۋشىنىڭ ءوز ولكەسىنە دەگەن جاناشىرلىعىن وياتۋ. بۇگىن ەگىلگەن ءاربىر تال بالالاردىڭ ەرتەڭگى جاسىل ايماققا، تازا اۋاعا قوسقان ۇلەسى»، - دەپ اتاپ ءوتتى ۇيىمداستىرۋشىلار.
#تازاقازاقستان
#تازاورتا
