جەزقازعاندا قازاقستان رەسپۋبليكاسى پرەزيدەنتىنىڭ جانىنداعى ۇلتتىق عىلىم اكادەمياسىنىڭ «قۋاتتى وڭىرلىك عىلىم – قۋاتتى ءوڭىر» تاقىرىبىنداعى كوشپەلى پرەزيديۋم وتىرىسى ءوتتى.
جيىندا ءوڭىردىڭ عىلىمي-تەحنولوگيالىق دامۋىنىڭ باسىم باعىتتارى تالقىلانىپ، مينەرالدىق شيكىزاتتى كەشەندى وڭدەۋ، گەولوگيالىق بارلاۋ مەن مەتاللۋرگيانى تسيفرلاندىرۋ، ەكولوگيالىق قاۋىپسىزدىك، سۋ رەسۋرستارىن باسقارۋ جانە اگروونەركاسىپ سالاسىن عىلىمي سۇيەمەلدەۋ ماسەلەلەرىنە باسىمدىق بەرىلدى.
وتىرىس بارىسىندا عىلىم جەتىستىكتەرىن ءوندىرىس پەن ەكونوميكانىڭ ناقتى سەكتورىنا ەنگىزۋ تەتىكتەرى قاراستىرىلىپ، قىتايلىق عىلىمي ۇيىمدارمەن تەحنولوگيالار ترانسفەرتى، جاساندى ينتەللەكتتى پايدالانۋ جانە زاماناۋي گەولوگيالىق زەرتتەۋ ادىستەرىن ەنگىزۋ باعىتتارى تالقىلاندى.
ءىس-شارا قورىتىندىسىندا ۇلىتاۋ وبلىسىنىڭ عىلىمي-تەحنولوگيالىق دامۋىن جەدەلدەتۋگە ارنالعان قارار مەن بىرلەسكەن ءىس-قيمىل جوسپارى قابىلداندى.
سونداي-اق جەزقازعان قالاسىنداعى «Kazakhmys Barlau» گەولوگيالىق كلاستەرى بازاسىندا قازاقستان رەسپۋبليكاسى پرەزيدەنتىنىڭ جانىنداعى ۇلتتىق عىلىم اكادەمياسىنىڭ وڭىرلىك فورسايت-ورتالىعى اشىلدى.
