ۇلىتاۋ وبلىسىنىڭ اكىمى داستان رىسپەكوۆ ۇلىتاۋ اۋدانىنا جۇمىس ساپارىمەن بارىپ، جەرگىلىكتى حالىقپەن كەزدەستى. سونىمەن قاتار ءوڭىر باسشىسى اۋدان تۇرعىندارىن جەكە قابىلداپ، وزەكتى ماسەلەلەرىن تىڭدادى.
كەزدەسۋ بارىسىندا كوتەرىلگەن نەگىزگى سۇراقتار تۇرعىن ءۇي الۋ كەزەگى، جول جانە كوپىر ينفراقۇرىلىمىن جوندەۋ، جارىقپەن قامتاماسىز ەتۋ ماسەلەلەرىنە قاتىستى بولدى. وبلىس اكىمى ءاربىر ءوتىنىشتى جەكە باقىلاۋعا الىپ، ءتيىستى سالا باسشىلارىنا ناقتى تاپسىرمالار جۇكتەدى.







ەلىمىز ءۇشىن ماڭىزدى ايتۋلى مەرەكەلەر قارساڭىندا وبلىس باسشىسى اۋدانداعى 10 وتباسىعا جاڭا پاتەر كىلتتەرىن تابىس ەتتى. اتالعان باسپانالار الەۋمەتتىك وسال توپتار ءۇشىن سالىنعان. سونىمەن قاتار، «سامعا» جشس ديرەكتورى اباي بولاتۇلى قوسىمشا ءۇش بولمەلى پاتەردى دەمەۋشىلىك
وسىلايشا ءبىر كۇندە اۋداننىڭ 11 وتباسى جاڭا باسپاناعا يە بولىپ، قۋانىشقا كەنەلدى.
وبلىس باسشىسى سونداي-اق اۋدانعا ساپالى كادرلاردى تارتۋ جۇمىستارىن توقتاتپاۋ جانە جاس ماماندارعا تۇرعىن ءۇي دايىنداۋ پروتسەسىن جەدەلدەتۋ قاجەتتىگىن تاعى ءبىر رەت اتاپ ءوتتى.
جۇمىس ساپارى اياسىندا وبلىس اكىمى «تازا قازاقستان» رەسپۋبليكالىق ەكولوگيالىق اكتسياسىنا اتسالىسىپ، تاڭبالى تاس ساياباعىنا جانە جەكە كاسىپكەر سالعان ورمانشىلىق القابىندا شىرشا كوشەتتەرىن وتىرعىزدى. ءوڭىر باسشىسى وتىرعىزىلعان اعاشتاردىڭ كۇتىمى مەن سۋارۋ جۇيەسىن ۇيىمداستىرۋدى مىندەتتەدى.