Qaraǧandy oblysynda 20 jyl qūldyqta boldym degen Resei azamaty soŋynda sözınen taiqyp şyqty, dep habarlaidy “Adyrna” ūlttyq portaly Stan.kz saityna sılteme jasap.
Kezınde Priozersk qalasyndaǧy Resei äskeri bölımınde boryşyn ötegen ol üiıne qaitpai, osy öŋırde özı qalyp qoiǧany belgılı boldy.
“Polisiia qyzmetkerlerımen bırden QR Resei elşılıgıne habarlama berıldı. Solardyŋ qatysuymen qazır tergeu äreketterı jürgızılude. Alaida jäbırlenuşı azamat özınıŋ aldynda jariialaǧan habarlamasynan qazır bas tartyp otyr. "Menı eşkım ūstaǧan joq, men Qazaqstanda öz erkımmen boldym" degen mälımdeme jasady. Onyŋ qolynda äskeri biletı jäne basqa qūjattary bar”, – dep mälımdedı Qaraǧandy oblysy polisiia departamentınıŋ baspasöz hatşysy Baqytjan Qūdiiarov.Beinejazbada 44 jastaǧy Aleksei Kotov Qaraǧandy oblysy Şet audanyndaǧy qystaqtardyŋ bırınde 20 jyl qūldyqta jürgenın aitqan. Köp ūzamai poliseiler atalǧan qystaqty tauyp, Aleksei Kotovty Qaraǧandyǧa jetkızıptı. Ol aryzdanǧan qojalyq iesın de ūstap, qylmystyq ıs qozǧaǧan. Alaida aitqan sözınen elşılık ökılderınıŋ közınşe bas tartypty. Aituynşa, ärkeri qyzmetınen keiın Qaraǧandy oblysynda qalyp, qaŋǧybas küige tüsıptı. Alaida aǧynan jarylǧan Alekseidı diplomattar aldy-artyna qaratpai jetektep ala jöneldı. Jalpaq jūrtqa qūldyqta jürgenın jar salǧanan keiın sözınen ainuynyŋ sebebın tılşıler de bılmek bolǧan. Bıraq elşılık ökılderı belgısız sebeptermen ony söiletpei, tıptı ersı qylyq ta tanytty. Būǧan deiın polisiia er adamnyŋ özın Iаroslavl oblysy Gavrilov-Iаmsk audany Gore-Griaz auylynyŋ tumasy Aleksei Aleksandrovich Kotovpyn dep tanystyryp, tūtqynda ekenın aitqan beinejazbany ūsynǧan bolatyn. Er adam ata-anasynan kömek qolyn sozudy sūraǧan edı.
“Adyrna” ūlttyq portaly
Ūqsas jaŋalyqtar
