Qaraǧandyda, «Keŋdala» şaǧyn audanynda 1 qyrküiekte 2000 orynǧa eseptelgen alǧaşqy jaily mektep aşyldy.
Būl qalanyŋ oŋtüstık-şyǧys bölıgındegı tört mekteptegı jüktemenı tömendetuge mümkındık beredı.
Bırınşı kezekte mūnda Älihan Ermekov atyndaǧy mektep-liseiınıŋ oquşylary köşıp keldı.
Aşylu saltanatyna Qaraǧandy oblysynyŋ äkımı Ermaǧanbet Bölekpaev pen Eŋbek jäne halyqty äleumettık qorǧau ministrı Svetlana Jaqypova qatysty.
– Bırınşı qyrküiek – sızderdı jaŋa bılım älemıne jeteleitın kezeŋnıŋ bastamasy. Bılım men ǧylym – tabysqa jetudıŋ basty kıltı. Jas ūrpaqqa jaily, sapaly bılım beru üşın qolaily jaǧdailar jasau – bızdıŋ basty maqsatymyz. Osy jaily mekteptıŋ qabyrǧasynda sızderdı qyzyqty ärı ädemı bolaşaq kütıp tūrǧanyna senımdımın! – dedı aimaq basşysy.
– Men sızdermen osyndai erekşe künı bırge bolǧanyma öte quanyştymyn. Memleket basşysynyŋ tıkelei tapsyrmasy boiynşa bastamaşylyq jüzege asyrylyp jatqan «Jaily mektep» jobasy apatty mektepterdı joiuǧa, oquşy oryndarynyŋ tapşylyǧyn eŋseruge jäne jaily bılım beru prosesın
Jaily mektepke konkurs boiynşa 150 mūǧalım jūmysqa qabyldandy.
Alǧaşqy künderden bastap oquşylar men pedagogtar «Jaily mektepter» ūlttyq jobasynyŋ standarttary boiynşa jaŋa formattyŋ artyqşylyqtaryn baǧalaidy.
Bastauyş jäne joǧary synyp oquşylary üşın oqu kabinetterı, sanitarlyq toraptar men sport zaldary bar jeke bloktar qarastyrylǧan. Yŋǧaily jäne qauıpsız bolu üşın alty kıreberıs pen şyǧatyn esıkter jasaldy.
Kabinetter men zerthanalar modifikasiialanǧan, eŋ zamanaui talaptarǧa sai jabdyqtalǧan. Jihaz ergonomikalyq.
– Bızge oqu yŋǧaily ärı qyzyqty boluy üşın barlyq jaǧdai jasalǧan. Maǧan är qabatta kovorking aimaǧynyŋ bary ūnaidy. Mektepte tört sport zaly bar. Būl sportqa köp köŋıl bölınetının bıldıredı, – dep bölıstı onynşy synyp oquşysy Dina Jūmabai.