Janarmai baǧasynyŋ aluandyǧy ministrdı aqtaluǧa mäjbürledı

143
Adyrna.kz Telegram
https://www.adyrna.kz/storage/uploads/vac1A5MttiMqUiwWuxqqQdxTNWP48g1Fdflo6VrA.webp

Qazaqstanda benzin men dizel otyny baǧasynyŋ kürt qymbattauyna eşqandai negız joq, dep habarlaidy "Adyrna".

Būl turaly energetika ministrı Erlan Aqkenjenov Ükımet otyrysynan keiın ötken brifingte aitty.

Ministrdıŋ aituynşa, 2024 jylǧy aqpannan berı elımızde janar-jaǧarmaidyŋ köterme jäne bölşek saudadaǧy baǧasy memlekettık retteuden şyǧarylǧan. Qazır baǧa ışkı sūranys pen ūsynysqa, sondai-aq naryqtaǧy bäsekelestıkke bailanysty qalyptasady.

Vedomstvo basşysynyŋ deregınşe, qazırgı uaqytta Aİ-92 markaly benzinnıŋ litrı 253-271 teŋge aralyǧynda satylyp jatyr. Al dizel otynynyŋ baǧasy 356-367 teŋge şamasynda.

Erlan Aqkenjenov janarmai qūiu beketterındegı baǧa aiyrmaşylyǧy olardyŋ önımdı ötkızuge jūmsaityn şyǧyndaryna bailanysty ekenın tüsındırdı.

Sonymen qatar ministr eldegı janar-jaǧarmai qory jetkılıktı ekenın atap öttı. Qazırgı uaqytta benzin men dizel otynynyŋ ärqaisysynan 400 myŋ tonnadan astam qor jinaqtalǧan. Mūnai öŋdeu zauyttary ştattyq rejimde jūmys ıstep, önımdı öŋırlerge jetkızu qalypty tärtıppen jüzege asyrylyp jatyr.

Ministrdıŋ sözınşe, janarmai baǧasynyŋ kürt ösuı baiqalǧan jaǧdaida memleket naryqty tūraqtandyru üşın qajettı şaralardy qabyldaidy.

Pıkırler