Bügın – būrynǧy qorǧanys ministrı, Halyq qaharmany Sät Toqpaqbaevtyŋ tuǧan künı. Sanaly ömırın elımızdıŋ qauıpsızdık salasyn bekemdeuge arnaǧan Sät Toqpaqbaev 85 jasqa tolyp jatyr.
Sät Besımbaiūly Toqpaqbaev 1939 jylǧy 17 qyrküiekte Almaty oblysy Ile audanynyŋ QazSİK auylynda düniege kelgen.
1963 jyly S.M. Kirov atyndaǧy Qazaq memlekettık universitetınıŋ zaŋ fakultetın zaŋger mamandyǧy boiynşa, KSRO MQK №302 Minsk mektebın, 1971 jyly KSRO SIM Joǧary diplomatiialyq mektebın tämamdaǧan.
1991 jylǧa deiın KOKP müşesı, 1956 jyldan — Almaty oblysy Ile audanynyŋ «Komsomol» ūjymşarynda jūmysşy, 1957 jyldan — Almaty oblysyndaǧy Boraldai kırpış zauytynyŋ vagonşy-jūmyskerı bolǧan.
1958 jyly S.M. Kirov atyndaǧy qazaq memlekettık universitetınıŋ studentı, 1963 jyldyŋ şılde aiynan bastap Almaty oblystyq prokuraturasynyŋ tergeuşısı, 1963 jyldyŋ qyrküiek aiynan bastap KSRO MQK №302 Minsk mektebınıŋ kursanty; KSRO MQK kadrlyq ofiserı, jedel ökılden QazKSR MQK Basqarmasynyŋ bastyǧy lauazymyna deiıngı qyzmet jolyn ötken.
1991 jyldyŋ qaraşa aiynan bastap Almaty qalasy jäne Almaty oblysy boiynşa QR MQK Basqarmasynyŋ bastyǧy, 1993 jyldyŋ mausym aiynan — QR ŪQK töraǧasynyŋ bırınşı orynbasary, 1993 jyldyŋ jeltoqsan aiynan — QR ŪQK töraǧasy, 1995 jyldyŋ qaraşa aiynan — QR prezidentı Küzet qyzmetınıŋ bastyǧy — QR Respublikalyq gvardiiasynyŋ qolbasşysy mındetın atqaruşy qyzmetterınde boldy.
1997 jyldyŋ nauryz aiynan — QR Respublikalyq gvardiiasynyŋ qolbasşysy, 1999 jyldyŋ qazan aiynan QR qorǧanys ministrı, 2001 jyldyŋ jeltoqsan aiynan QR prezidentınıŋ keŋesşısı — sybailas jemqorlyqqa qarsy küres jäne QR memlekettık qyzmetkerlerınıŋ qyzmettı jönındegı komissiianyŋ töraǧasy — QR prezidetı janyndaǧy azamattyq mäselelerı jönındegı komissiianyn töraǧasy, 2002 jyldyŋ qyrküiek aiynan — «Euro-Aziia Eir İnterneşnl» AAQ Halyqaralyq euraziialyq äue kompaniiasy Direktorlar keŋesınıŋ töraǧasy, 2007-2011 jyldary — QR parlamentı mäjılısı 4-şaqyrylymynyŋ deputaty, Halyqaralyq ıster, qorǧanys jäne qauıpsızdık komitetınıŋ müşesı boldy.
«Daŋq» (1997), «Barys» (2008) ordenderımen; 14 medalmen marapattalǧan.
Aita ketsek, keşe Memleket basşysy Qasym-Jomart Toqaev Halyq qaharmany Sät Toqpaqbaevqa airyqşa erekşelık belgısı – «Altyn jūldyz» ben «Otan» ordenderın saltanatty türde tabystady. Būl turaly Aqorda mälımdedı.
Jiynda prezident Qasym-Jomart Toqaev Sät Toqpaqbaevty qalyŋ jūrtşylyq qūrmetteitının, onyŋ eŋbek joly el ömırımen tyǧyz bailanysty bolǧanyn aitty.
“Sız qasterlı Otanymyzǧa adal qyzmet ettıŋız. Endı ǧana täuelsızdık alyp, derbes memleket bolǧan jyldary asa jauapty mındetterdı atqaruǧa bılek sybana kırısıp kettıŋız. Elımızdıŋ tynyştyǧy men tūtastyǧyn saqtau üşın orasan zor üles qostyŋyz. Şyn mänınde, mūny naǧyz erlık dep baǧalauǧa bolady. Qazır de qoǧamǧa paidaly ısterdı atqaryp jürgenıŋızdı bız jaqsy bılemız. Elımızdıŋ laiyq azamatysyz”, – dedı memleket basşysy.
