Jýrnalıster mınıstrge suraq qoıý barysynda eks-prezıdent Nursultan Nazarbaevtyń keńsesin qarjylandyrýǵa 3 jyldyń ishinde 5,6 mıllıard teńge bólingenin aıtyp, «Elbasy» týraly zańnyń kúshi joıylǵannan keıingi qarjylandyrý qalaı júzege asatynyn surady, dep habarlaıdy “Adyrna” ulttyq portaly.
Bul suraqqa mınıstr Erulan Jamaýbaev jaýap berdi.
“Aldymen zań, zańǵa táýeldi aktiler, tıisti qaýlylar bar. Ózgerister engizilgen kezde qarjylandyrýdy azaıtamyz. Keı jerlerde qarjylandyrýdy múlde alyp tastaımyz. Biz úshin bul túsinikti, zań árdaıym birinshi orynda. Sondaı-aq qabyldanýǵa tıis zańǵa táýeldi aktiler bar. Osydan keıin qarjylandyrýǵa qatysty sheshim qabyldaımyz. Ázirge birtindep qysqartamyz», - dedi Erulan Jamaýbaev.
Sonymen qatar ol zańǵa táýeldi aktilerdi qabyldaý merzimi 2 aı kóleminde naqtylanatynyn jetkizdi.
