Mádenıet mınıstrligi Tuńǵysh Prezıdent – Nursultan Nazarbaevtyń mádenıet salasyndaǵy stıpendııasynyń ataýyn ózgertýdi usyndy. Tıisti buıryqtyń jobasy Open NRA portalynda jarııalandy, - dep habarlaıdy "Adyrna" portaly.
Qujatqa sáıkes, olar «Qazaqstan Respýblıkasynyń Tuńǵysh Prezıdenti – Elbasynyń mádenıet salasyndaǵy memlekettik stıpendııasyn taǵaıyndaý týraly» jarlyqtyń ataýyn «Mádenıet salasyndaǵy memlekettik stıpendııany taǵaıyndaý týraly» dep ózgertýdi qalaıdy."
«Mádenıet týraly» Qazaqstan Respýblıkasy Zańynyń 6-babynyń 10) tarmaqshasyna sáıkes Qazaqstan Respýblıkasynyń Úkimeti qaýly etedi: «Qosymsha berilgen mádenıet salasyndaǵy memlekettik stıpendııalardy taǵaıyndaý qaǵıdalary bekitilsin,» delingen joba tujyrymdamasynda.
Jarlyq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.