Foto: Reuters
Polşa premer-ministrı Donald Tusk Krakov qalasynyŋ ortalyǧynda bes adamnyŋ ömırın qiǧan atysty "terakt" dep atady, dep habarlaidy "Adyrna" tılşısı.
Qazır polisiia oqiǧanyŋ sebepterı men män-jaiyn anyqtap jatyr.
Donald Tusktıŋ aituynşa, ışkı ıster ministrı Krakovtaǧy jaǧdai turaly oǧan tūraqty türde aqparat berıp otyr. Sondai-aq Polşa ışkı ıster ministrı Marchin Kervinskii oqiǧa ornyna bara jatyr.
Atys 7 qaraşada jergılıktı uaqyt boiynşa saǧat 15:00 şamasynda Krakov qalasyndaǧy Bas bazar alaŋynda bolǧan. Aldyn ala mälımetke säikes, er adam jürıp bara jatqan kölıkten köşedegı adamdarǧa oq atqan.
Soŋǧy mälımet boiynşa, bes adam qaza tauyp, bırneşe adam jaraqat alǧan. Zardap şekkenderdıŋ arasynda polisiia qyzmetkerlerı de bar.
Küdıktı ūstau kezınde jaralanyp, auruhanaǧa jetkızıldı. Qūqyq qorǧau organdary şabuyldyŋ barlyq män-jaiy men sebepterın anyqtap jatyr.
Būǧan deiın Krakov ortalyǧyndaǧy atys saldarynan bes adam qaza tauyp, taǧy on adam jaraqat alǧany habarlanǧan edı. Olardyŋ arasynda ekı polisiia qyzmetkerı bolǧan.
