Tramp aralyq sailaudaǧy jeŋılısten keiın äkımşılıgınde kadrlyq özgerıster boluy mümkın ekenın aitty, dep habarlaidy “Adyrna”.
Būl turaly ol CBS telearnasyna bergen sūhbatynda habarlady.
Jurnalisterdıŋ ükımet qūramynda qyzmetınen bosatular boluy mümkın be degen sūraǧyna Donald Tramp oŋ jauap berdı.
«İä, azdaǧan özgerıster boluy mümkın», – dedı AQŞ prezidentı.
Sonymen qatar ol qazırgı ministrler kabinetınıŋ jūmysyna köŋılı tolatynyn atap öttı. Alaida keibır lauazymdarǧa özgerıs engızuı mümkın ekenın de jetkızdı. Prezident yqtimal kadrlyq auys-tüiıster kımderge qatysty bolatynyn naqtylaǧan joq.
Būdan bölek, Donald Tramp soǧys ministrı Pit Hegsetke degen senımın saqtap otyrǧanyn aitty. Būǧan deiın AQŞ pen İran arasyndaǧy qaqtyǧysqa bailanysty Pentagon basşysynyŋ äreketıne demokrattardyŋ bırqatar ökılı jäne keibır respublikaşyldar syn aitqan edı.
