2023 jylǧa qarai därıgerlerdıŋ jalaqysy orta eseppen 550 myŋ teŋgeden asyp, Qazaqstandaǧy ortaşa jalaqydan 2,5 esege joǧary bolady. Būl turaly Asfendiiarov atyndaǧy Qazaq ūlttyq medisina universitetınıŋ studentterımen kezdesuınde QR Densaulyq saqtau ministrı Ajar Ǧiniiat mälımdedı, dep jazady "Adyrna".
«Densaulyq saqtau jüiesınıŋ bolaşaǧy: alǧaşqy medisinalyq-sanitarlyq kömektıŋ bedelı, motivasiia, qūzyret» atty kezdesude, Düniejüzılık densaulyq saqtau ūiymynyŋ Europalyq aimaqtyq direktory Hans Enri P.Kliuge, Qazaqstannyŋ Densaulyq saqtau ministrı Ajar Ǧiniiat, DDŪ-nyŋ Qazaqstandaǧy ökılı Kerolain Klarinval, DDŪ Europalyq alǧaşqy medisinalyq-sanitarlyq kömek ortalyǧynyŋ basşysy Melitta Iаkab, Özbekstan Densaulyq saqtau ministrınıŋ orynbasary Amrillo İnoiatov söz söiledı.
QR Densaulyq saqtau ministrı Ajar Ǧiniiattyŋ aituynşa, bügınde segız joǧary oqu orny respublikanyŋ bılım beru baǧdarlamalarynyŋ tızılımıne engızılgen 60-tan astam medisinalyq mamandyqtardy oqytady.
«Jyl saiyn mamandyqtyŋ bedelı artyp, medisinaǧa yntaly jastar ösıp keledı. Jyl saiyn medisinalyq joǧary oqu oryndary toǧyz myŋnan astam maman şyǧarady. 2021 jyldan bastap Densaulyq saqtau ministrlıgı grant qūnyn ösırdı, būl medisinalyq joǧary oqu oryndarynyŋ materialdyq-tehnikalyq bazasyn jaqsartuǧa aitarlyqtai äser etedı. Medisina qyzmetkerlerınıŋ jalaqysyn jyl saiyn, jüielı türde arttyruǧa köbırek köŋıl bölınude, 2023 jylǧa qarai därıgerlerdıŋ jalaqysy ortaşa eseppen 561 myŋ teŋgege deiın jäne Qazaqstandaǧy ortaşa jalaqydan 2,5 ese joǧary bolady», - dedı ministr.Sonymen qatar, ol alǧaşqy medisinalyq-sanitarlyq kömektıŋ ünemı jetıldırılıp jatqanyn atap öttı.
«Bastapqy medisinalyq-sanitarlyq kömek qyzmetkerlerınıŋ äleuetın arttyru densaulyqty jaqsartudyŋ negızı bolyp tabylady», - dedı ol.Düniejüzılık densaulyq saqtau ūiymynyŋ Europadaǧy aimaqtyq direktory, doktor Hans Kliuge studentterge därıs oqydy. Bastapqy medisinalyq-sanitarlyq kömektı ılgerıletu jäne özgertu üşın jas mamandardyŋ äleuetı zor, dedı ol.
«Sızder köşbasşy bolasyzdar dep ümıttenemız. Densaulyqtyŋ bolaşaǧy jastarǧa bailanysty. Sızderdıŋ yntalaryŋyz ben özgerısterge degen qūlşynystaryŋyz – bızdıŋ tıregımız», – dedı.
"Adyrna" ūlttyq portaly
Ūqsas jaŋalyqtar
