Foto: videodan alyndy
Maŋǧystau oblysynda vahtalyq avtobus jaiau jürgınşını qaǧyp kettı. Jol apaty saldarynan mūnai kompaniiasynyŋ qyzmetkerı oqiǧa ornynda köz jūmdy. Aqparatty oblystyq polisiia departamentı rastady, dep habarlaidy “Adyrna”.
Qaiǧyly jaǧdai 6 qaraşa künı saǧat 11:30 şamasynda Aqtau–Qalamqas tasjolynyŋ 170–171-şaqyrymynda bolǧan. Qarajanbas ken ornyna qarai baǧyt alǧan Daewoo markaly vahtalyq avtobus joldan ötıp bara jatqan «Maŋǧystaumūnaigaz» kompaniiasynyŋ qyzmetkerın qaǧyp ketken.
Oblystyq polisiia departamentınıŋ mälımetınşe, atalǧan derek boiynşa qylmystyq ıs qozǧalǧan. Kölık arnaiy tūraqqa qoiylǧan.
Qazır polisiia qyzmetkerlerı jol apatynyŋ sebepterı men män-jaiyn anyqtap jatyr.
«Maŋǧystaumūnaigaz» kompaniiasy da qyzmetkerınıŋ qaza tapqanyn rastady. Kompaniia marqūmnyŋ tuǧan-tuystary men jaqyndaryna köŋıl aitty.
