QR Eŋbek jäne halyqty äleumettık qorǧau ministrı Serık Şäpkenov Ükımet otyrysynda Memleket basşysy Qasym-Jomart Toqaevtyŋ 2021 jylǧy 1 qyrküiektegı «Halyq bırlıgı jäne jüielı reformalar-el örkendeuınıŋ berık negızı» atty Qazaqstan halqyna Joldauynda aitylǧan äleumettık – eŋbek salasy boiynşa tapsyrmalardyŋ qalai oryndalatyny turaly aityp berdı, dep habarlaidy «Adyrna» tılşısı ministrlıktıŋ baspasöz qyzmetıne sılteme jasap.
«Memleket basşysy jariialaǧan bastamalarǧa säikes eŋbekaqy töleudı arttyru boiynşa şaralar qabyldanatyn bolady. Bırınşı, 2022 jylǧy 1 qaŋtardan bastap ETJ mölşerı 60 myŋ teŋgenı qūraidy. Būl şara 1 mln 650 myŋ jaldamaly qyzmetkerdıŋ aqşalai tabystarynyŋ ösuıne alyp keledı. Būl sondai-aq razriadaralyq bılıktılık jüiesın eskere otyryp, basqa da qyzmetkerlerdıŋ kırısterın arttyruǧa mümkındık beredı. Ekınşıden, 4 jyl ışınde azamattyq qyzmetşılerdıŋ jekelegen 588 myŋ sanatynyŋ (mūraǧatşylar, kıtaphanaşylar, muzeitanuşylar, ormanşylar, tehnikalyq personal jäne t.b.) jalaqysyn kezeŋ-kezeŋımen arttyru üşın Ükımet qaulysynyŋ jobasy äzırlenedı. Nätijesınde, 2022 jyldan bastap olardyŋ jalaqysy jyl saiyn 20% - ǧa artyp, 2025 jylǧa qarai ekı esege artady. Eŋ tömengı jalaqy 49 myŋnan 60 myŋ teŋgege deiın nemese 22% - ǧa ösedı»,— dedı Serık Şäpkenov.
«Adyrna» ūlttyq portaly
Ūqsas jaŋalyqtar
