قاراعاندىدا سۇلۋلىق سالونىنىڭ قىزمەتكەرى سەرىكتەسىمەن بىرگە جۇمىس ىستەيتىن جەرىنەن ءىرى كولەمدە اقشا ۇرلاعان، دەپ حابارلايدى "ادىرنا" ءتىلشىسى.
وقيعا تۇنگى ۋاقىتتا بولعان.
پوليتسيانىڭ مالىمەتىنشە، كۇدىكتىلەر سالونعا تۇندە كىرىپ، كاسساداعى اقشانى الىپ كەتكەن. الايدا ولاردىڭ ارەكەتى بەينەباقىلاۋ كامەراسىنا ءتۇسىپ قالعان.
تاڭەرتەڭ سالون يەسى اقشانىڭ جوعالعانىن انىقتاعان. بەينەجازبانى قاراپ شىققاننان كەيىن كۇدىك سالون قىزمەتكەرىنە تۇسكەن. ول كاسساعا قول جەتكىزە العان جانە اقشانىڭ قاي جەردە ساقتالاتىنىن جاقسى بىلگەن.
پوليتسيا كۇدىكتىلەردىڭ بەلگىلەرىن انىقتاپ، بارلىق پاترۋلدىك ناريادتارعا باعدار بەردى. كوپ ۇزاماي ولار تەمىرجول ۆوكزالىندا ۇستالدى. الدىن الا مالىمەت بويىنشا، كۇدىكتىلەر قالادان كەتۋگە ارەكەت جاساعان.
قازىرگى ۋاقىتتا اتالعان فاكتى بويىنشا قىلمىستىق ءىس قوزعالىپ، تەرگەۋ جۇرگىزىلىپ جاتىر.
