Qaraǧandy oblysynyŋ prokuraturasy men Ūlttyq qauıpsızdık komitetınıŋ departamentı bırlesken jedel ıs-şaralar nätijesınde şetel azamattaryn zaŋsyz tırkeumen ainalysqan qylmystyq toptyŋ qyzmetın toqtatty, dep habarlaidy "Adyrna".
Prokuratura mälımetınşe, top qūramynda halyqqa qyzmet körsetu ortalyqtarynyŋ qyzmetkerlerı, medisinalyq ūiymdardyŋ ökılderı jäne deldal retınde jūmys ıstegen «kömekşıler» bolǧan. Tergeu derekterı olar şetel azamattaryna 700-den astam uaqytşa tūruǧa rūqsatty zaŋsyz räsımdegenın körsetedı. Tırkeu zaŋyna säikes, mūndai rūqsat beru üşın tūrǧyn üi iesınıŋ jeke kelıp, kelısım beruı qajet, alaida şeteldıkterdıŋ tırkeluı būl talaptar oryndalmai jüzege asqan.
Sonymen bırge, qylmystyq top müşelerı ekı zaŋsyz elektrondyq sifrlyq qoltaŋba daiyndap, eQonaq aqparattyq jüiesıne 30-dan astam jalǧan habarlama jıbergen. Būl äreketter sifrlyq qoltaŋba ielerınıŋ kelısımınsız jäne olardyŋ habarynsyz jasalǧan.
Prokuratura mūndai zaŋsyz tırkeuler ūlttyq qauıpsızdıkke eleulı qater töndıretının, el aumaǧyna nietı būzyq tūlǧalardyŋ kıruıne mümkındık jasaitynyn atap öttı. Qazırgı uaqytta oqiǧanyŋ barlyq män-jaiyn anyqtau üşın aldyn ala tergeu jürıp jatyr.
