UFC-дағы Қазақстанның өкілі Мария Агапова Instagram парақшасында Қуат Хамитовтің ұсталуына қатысты жағдайға қатысты пікір білдірді, деп хабарлайды "Адырна" ұлттық порталы "Sports.kz"-ке сілтеме жасап.
"Бейбіт митингілерге қатысқаны үшін Қуатты құқық қорғау органдары ұрып-соғып, азаптаған. Енді ол мүгедек. Қуат үшін өте қатты өкінемін, бұл мен үшін ауыр. Оның тезірек сауығып кетуін тілеймін", — деп жазды Агапова.
Бұқаралық ақпарат құралдарында қамауға алынғаннан кейін Хамитов көптеген жарақат алғанын, оның денесінде соққының басқа да белгілері бар екені туралы ақпарат тарады. Сондай-ақ оның қабырғасының сынып, басының жарақаттанғаны және есте сақтау қабілетінің нашарлағаны туралы да айтылды.
Еске салайық, Агапова UFC-ге 5 наурызда оралады, оның қарсыласы атышулы украиналық Мария Мороз болмақ.
"Адырна" ұлттық порталы.