UFC-daǵy Qazaqstannyń ókili Marııa Agapova Instagram paraqshasynda Qýat Hamıtovtiń ustalýyna qatysty jaǵdaıǵa qatysty pikir bildirdi, dep habarlaıdy "Adyrna" ulttyq portaly "Sports.kz"-ke silteme jasap.
"Beıbit mıtıngilerge qatysqany úshin Qýatty quqyq qorǵaý organdary uryp-soǵyp, azaptaǵan. Endi ol múgedek. Qýat úshin óte qatty ókinemin, bul men úshin aýyr. Onyń tezirek saýyǵyp ketýin tileımin", — dep jazdy Agapova.
Buqaralyq aqparat quraldarynda qamaýǵa alynǵannan keıin Hamıtov kóptegen jaraqat alǵanyn, onyń denesinde soqqynyń basqa da belgileri bar ekeni týraly aqparat tarady. Sondaı-aq onyń qabyrǵasynyń synyp, basynyń jaraqattanǵany jáne este saqtaý qabiletiniń nasharlaǵany týraly da aıtyldy.
Eske salaıyq, Agapova UFC-ge 5 naýryzda oralady, onyń qarsylasy atyshýly ýkraınalyq Marııa Moroz bolmaq.
"Adyrna" ulttyq portaly.