UFC-داعى قازاقستاننىڭ وكىلى ماريا اگاپوۆا Instagram پاراقشاسىندا قۋات ءحاميتوۆتىڭ ۇستالۋىنا قاتىستى جاعدايعا قاتىستى پىكىر ءبىلدىردى، دەپ حابارلايدى "ادىرنا" ۇلتتىق پورتالى "Sports.kz"-كە سىلتەمە جاساپ.
"بەيبىت ميتينگىلەرگە قاتىسقانى ءۇشىن قۋاتتى قۇقىق قورعاۋ ورگاندارى ۇرىپ-سوعىپ، ازاپتاعان. ەندى ول مۇگەدەك. قۋات ءۇشىن وتە قاتتى وكىنەمىن، بۇل مەن ءۇشىن اۋىر. ونىڭ تەزىرەك ساۋىعىپ كەتۋىن تىلەيمىن", — دەپ جازدى اگاپوۆا.بۇقارالىق اقپارات قۇرالدارىندا قاماۋعا الىنعاننان كەيىن حاميتوۆ كوپتەگەن جاراقات العانىن، ونىڭ دەنەسىندە سوققىنىڭ باسقا دا بەلگىلەرى بار ەكەنى تۋرالى اقپارات تارادى. سونداي-اق ونىڭ قابىرعاسىنىڭ سىنىپ، باسىنىڭ جاراقاتتانعانى جانە ەستە ساقتاۋ قابىلەتىنىڭ ناشارلاعانى تۋرالى دا ايتىلدى. ەسكە سالايىق، اگاپوۆا UFC-گە 5 ناۋرىزدا ورالادى، ونىڭ قارسىلاسى اتىشۋلى ۋكراينالىق ماريا موروز بولماق.
"ادىرنا" ۇلتتىق پورتالى.
