Өмірлік жар іздеген әйел 48 жасында өзіне тұрмысқа шықты

Америкалық Сара Уилкинсон есімді 42 жастағы әйел өзіне тұрмысқа шығып, үйлену тойын жасады, деп хабарлайды «Адырна» ұлттық порталы The Sun басылымына сілтеме жасап.

Басылым мәліметінше, Сара үйлену тойын жасап, қалыңдық атануды кішкентай күнінен армандаған. «Мен бала кезімнен тұрмысқа шығуды армандаған әйелдердің бірімін. Кішкентай кезімде қалыңдық болып, үстіме перде киіп, басыма пластик тәж тағып ойнайтынмын. 15 жасымнан бастап егіз ұл немесе үшем қызым болғанын қалап, болашақ күйеуім екеуміз айналасы аппақ шарбақпен қоршалған әдемі үйде тұратынымызды армандадым», - деді Сара Уилкинсон. Әйелдің алғашқы әрі ұзақ мерзімді қарым-қатынасы 28 жасында басталып, төрт жылға созылған. Содан бері әйел серіктес іздеп, өзіне деген сүйіспеншілігін байқап, өзіне-өзі үйленуге шешім қабылдаған. Ол өзіне гауһар тасты сақина сыйлап, достарымен бірге бойдақтар кешін ұйымдастырған. Содан кейін 80 қонақтың қатысуымен үйлену тойын жасап, өзіне жақсы көруге және қамқор болуға ант еткен. Америкалық әйел тойына 12 мыңнан аса доллар жұмсаған.

 «Адырна» ұлттық порталы