امەريكالىق سارا ۋيلكينسون ەسىمدى 42 جاستاعى ايەل وزىنە تۇرمىسقا شىعىپ، ۇيلەنۋ تويىن جاسادى، دەپ حابارلايدى «ادىرنا» ۇلتتىق پورتالى The Sun باسىلىمىنا سىلتەمە جاساپ.
باسىلىم مالىمەتىنشە، سارا ۇيلەنۋ تويىن جاساپ، قالىڭدىق اتانۋدى كىشكەنتاي كۇنىنەن ارمانداعان.
«مەن بالا كەزىمنەن تۇرمىسقا شىعۋدى ارمانداعان ايەلدەردىڭ ءبىرىمىن. كىشكەنتاي كەزىمدە قالىڭدىق بولىپ، ۇستىمە پەردە كيىپ، باسىما پلاستيك ءتاج تاعىپ وينايتىنمىن. 15 جاسىمنان باستاپ ەگىز ۇل نەمەسە ۇشەم قىزىم بولعانىن قالاپ، بولاشاق كۇيەۋىم ەكەۋمىز اينالاسى اپپاق شارباقپەن قورشالعان ادەمى ۇيدە تۇراتىنىمىزدى ارماندادىم»، - دەدى سارا ۋيلكينسون.
ايەلدىڭ العاشقى ءارى ۇزاق مەرزىمدى قارىم-قاتىناسى 28 جاسىندا باستالىپ، ءتورت جىلعا سوزىلعان. سودان بەرى ايەل سەرىكتەس ىزدەپ، وزىنە دەگەن سۇيىسپەنشىلىگىن بايقاپ، وزىنە-ءوزى ۇيلەنۋگە شەشىم قابىلداعان.
ول وزىنە گاۋھار تاستى ساقينا سىيلاپ، دوستارىمەن بىرگە بويداقتار كەشىن ۇيىمداستىرعان. سودان كەيىن 80 قوناقتىڭ قاتىسۋىمەن ۇيلەنۋ تويىن جاساپ، وزىنە جاقسى كورۋگە جانە قامقور بولۋعا انت ەتكەن. امەريكالىق ايەل تويىنا 12 مىڭنان اسا دوللار جۇمساعان.
«ادىرنا» ۇلتتىق پورتالى
