Amerıkalyq Sara Ýılkınson esimdi 42 jastaǵy áıel ózine turmysqa shyǵyp, úılený toıyn jasady, dep habarlaıdy «Adyrna» ulttyq portaly The Sun basylymyna silteme jasap.
Basylym málimetinshe, Sara úılený toıyn jasap, qalyńdyq atanýdy kishkentaı kúninen armandaǵan.
«Men bala kezimnen turmysqa shyǵýdy armandaǵan áıelderdiń birimin. Kishkentaı kezimde qalyńdyq bolyp, ústime perde kıip, basyma plastık táj taǵyp oınaıtynmyn. 15 jasymnan bastap egiz ul nemese úshem qyzym bolǵanyn qalap, bolashaq kúıeýim ekeýmiz aınalasy appaq sharbaqpen qorshalǵan ádemi úıde turatynymyzdy armandadym», - dedi Sara Ýılkınson.
Áıeldiń alǵashqy ári uzaq merzimdi qarym-qatynasy 28 jasynda bastalyp, tórt jylǵa sozylǵan. Sodan beri áıel seriktes izdep, ózine degen súıispenshiligin baıqap, ózine-ózi úılenýge sheshim qabyldaǵan.
Ol ózine gaýhar tasty saqına syılap, dostarymen birge boıdaqtar keshin uıymdastyrǵan. Sodan keıin 80 qonaqtyń qatysýymen úılený toıyn jasap, ózine jaqsy kórýge jáne qamqor bolýǵa ant etken. Amerıkalyq áıel toıyna 12 myńnan asa dollar jumsaǵan.
«Adyrna» ulttyq portaly
