Атақты скрипкашы, Қазақстанның Халық әртісі Айман Мұсақожаева алаяқтың арбауына түсіп, 200 мың доллардан айырылды, деп хабарлайды "Адырна" ұлттық порталы Ertenmedia-ға сілтеме жасап.
Алматы қаласындағы Алмалы аудандық соты 37 жастағы Арман Тәженовке қатысты алаяқтық ісін қарап, үкім шығарды. Іс материалдарына сәйкес, Тәженов өзін ҰҚК төрағасының жиенімін деп таныстырып, лауазымды қызметке қайта тағайындауға көмектесемін деп уәде берген.
Бастапқыда ол Шымкентте шекара қызметінен жұмыстан шыққан азаматты қайта жұмысқа тұрғызуға көмектесемін деп 10 мың доллар және 2 миллион теңге алған. Кейінірек атақты скрипкашы Айман Мұсақожаева мен оның күйеуі, кәсіпкер Асқар Бекбаевпен байланыс орнатып, олардың сеніміне кірген.
Мұсақожаева 1998 жылдан бері Қазақ ұлттық өнер университетін басқарып келгенімен, 2024 жылдың
Мұсақожаева құқық қорғау органдарына шағымданып, алаяқ 2023 жылдың қарашасында қамауға алынды. Тергеу кезінде Тәженов кінәсін мойындап, келтірілген залалды толық өтеген.
Сот Тәженовті кінәлі деп танып, 4 жыл шартты жаза тағайындады. Бұл шешім әзірге заңды күшіне енген жоқ.
Әлеуметтік желі қолданушылары Мұсақожаеваның ақша арқылы қызметке қайта оралу әрекетін сынға алуда. Олар "мемлекеттік лауазымдарды сатып алуға тырысудың өзі – заң мен этикаға қайшы" деген пікірде.
