اتاقتى سكريپكاشى، قازاقستاننىڭ حالىق ءارتىسى ايمان مۇساقوجاەۆا الاياقتىڭ ارباۋىنا ءتۇسىپ، 200 مىڭ دوللاردان ايىرىلدى، دەپ حابارلايدى "ادىرنا" ۇلتتىق پورتالى Ertenmedia-عا سىلتەمە جاساپ.
الماتى قالاسىنداعى المالى اۋداندىق سوتى 37 جاستاعى ارمان تاجەنوۆكە قاتىستى الاياقتىق ءىسىن قاراپ، ۇكىم شىعاردى. ءىس ماتەريالدارىنا سايكەس، تاجەنوۆ ءوزىن ۇقك توراعاسىنىڭ جيەنىمىن دەپ تانىستىرىپ، لاۋازىمدى قىزمەتكە قايتا تاعايىنداۋعا كومەكتەسەمىن دەپ ۋادە بەرگەن.
باستاپقىدا ول شىمكەنتتە شەكارا قىزمەتىنەن جۇمىستان شىققان ازاماتتى قايتا جۇمىسقا تۇرعىزۋعا كومەكتەسەمىن دەپ 10 مىڭ دوللار جانە 2 ميلليون تەڭگە العان. كەيىنىرەك اتاقتى سكريپكاشى ايمان مۇساقوجاەۆا مەن ونىڭ كۇيەۋى، كاسىپكەر اسقار بەكباەۆپەن بايلانىس ورناتىپ، ولاردىڭ سەنىمىنە كىرگەن.
مۇساقوجاەۆا 1998 جىلدان بەرى قازاق ۇلتتىق ونەر ۋنيۆەرسيتەتىن باسقارىپ كەلگەنىمەن، 2024 جىلدىڭ
مۇساقوجاەۆا قۇقىق قورعاۋ ورگاندارىنا شاعىمدانىپ، الاياق 2023 جىلدىڭ قاراشاسىندا قاماۋعا الىندى. تەرگەۋ كەزىندە تاجەنوۆ كىناسىن مويىنداپ، كەلتىرىلگەن زالالدى تولىق وتەگەن.
سوت تاجەنوۆتى كىنالى دەپ تانىپ، 4 جىل شارتتى جازا تاعايىندادى. بۇل شەشىم ازىرگە زاڭدى كۇشىنە ەنگەن جوق.
الەۋمەتتىك جەلى قولدانۋشىلارى مۇساقوجاەۆانىڭ اقشا ارقىلى قىزمەتكە قايتا ورالۋ ارەكەتىن سىنعا الۋدا. ولار "مەملەكەتتىك لاۋازىمداردى ساتىپ الۋعا تىرىسۋدىڭ ءوزى – زاڭ مەن ەتيكاعا قايشى" دەگەن پىكىردە.
