Таиланд премьер-министрі Анутхин Чанвиракун Паттайяда қаза тапқан ресейлік ағалы-қарындас Диана және Роман Назимовтардың өліміне байланысты көңіл айтты, деп хабарлайды “Адырна” тілшісі Thairath-ға сілтеп.
Үкімет басшысы кінәлілер заң аясында ең қатаң жазаға тартылатынын және тергеу барысын жеке бақылауына алғанын хабарлады. Оның айтуынша, аталған қылмыс Таиландтың халықаралық беделіне елеулі нұқсан келтірген.
Премьер-министр Паттайяға арнайы барып, қылмыс жасалған орын мен полиция бөлімшесінде болды.
«Болған жағдай үшін кешірім сұраймыз», – деді Анутхин Чанвиракун журналистерге.
Сондай-ақ ол қаза тапқан жастардың туыстарына жан-жақты қолдау көрсетілетінін айтты. Қазір олардың анасы Таиландта жүр.
Ресейдің Таиландтағы елшілігінің консулдық бөлімінің меңгерушісі Илья Ильин дипломатиялық өкілдік істің жан-жақты әрі әділ тергелуіне үміт білдіріп, марқұмдардың анасына қажетті консулдық көмек көрсетілетінін жеткізді.
Еске салсақ, Таиланд полициясы 22 жастағы Диана Назимова мен 17 жастағы інісі Роман Назимовтың өліміне қатысты екі күдіктіні ұстаған.
Тергеу мәліметінше, 31 шілдеде күдіктілер қылмысты мойындап, бастапқыда ағалы-қарындастың мотоциклін ұрламақ болғандарын, алайда қарсылыққа тап болғаннан кейін оларды өлтіргендерін айтқан.
