Белгілі суретші-аниматор, ұстаз, қазақ анимация өнерінің дамуына үлес қосқан Алтынбек Өмірзақов өмірден өтті, деп хабарлайды “Адырна” ұлттық порталы.
Қаралы хабарды Шәкен Айманов атындағы «Қазақфильм» ұлттық киностудиясы жариялады.
Алтынбек Өмірзақов қазақ анимациясының негізін қалаушылардың бірі Әмен Қайдаровтың алғашқы шәкірттерінің бірі болған. Ол ұлттық мультипликация өнерінің қалыптасуы мен дамуына елеулі үлес қосты.
Сондай-ақ суретші Темірбек Жүргенов атындағы Қазақ ұлттық өнер академиясының колледжінде ұстаздық қызмет атқарды. Ол жас аниматорлардың кәсіби тұрғыда қалыптасуына және ұлттық анимация мектебінің дәстүрін жалғастыруына атсалысты.
Марқұмның жаназа намазы 18 қазан күні 10:00-де Алматы қаласында "Мамыр-7" ықшам-ауданында өтеді.
