بەلگىلى سۋرەتشى-انيماتور، ۇستاز، قازاق انيماتسيا ونەرىنىڭ دامۋىنا ۇلەس قوسقان التىنبەك ومىرزاقوۆ ومىردەن ءوتتى، دەپ حابارلايدى “ادىرنا” ۇلتتىق پورتالى.
قارالى حاباردى شاكەن ايمانوۆ اتىنداعى «قازاقفيلم» ۇلتتىق كينوستۋدياسى جاريالادى.
التىنبەك ومىرزاقوۆ قازاق انيماتسياسىنىڭ نەگىزىن قالاۋشىلاردىڭ ءبىرى امەن قايداروۆتىڭ العاشقى شاكىرتتەرىنىڭ ءبىرى بولعان. ول ۇلتتىق مۋلتيپليكاتسيا ونەرىنىڭ قالىپتاسۋى مەن دامۋىنا ەلەۋلى ۇلەس قوستى.
سونداي-اق سۋرەتشى تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنىڭ كوللەدجىندە ۇستازدىق قىزمەت اتقاردى. ول جاس انيماتورلاردىڭ كاسىبي تۇرعىدا قالىپتاسۋىنا جانە ۇلتتىق انيماتسيا مەكتەبىنىڭ ءداستۇرىن جالعاستىرۋىنا اتسالىستى.
مارقۇمنىڭ جانازا نامازى 18 قازان كۇنى 10:00-دە الماتى قالاسىندا "مامىر-7" ىقشام-اۋدانىندا وتەدى.
