«Turkistan» تەلەارناسى جاساندى ينتەللەكت ارقىلى العاشقى انيماتسيالىق تۋىندى دايىندادى، دەپ حابارلايدى “ادىرنا” ۇلتتىق پورتالى.
انيماتورلار بۇل جوبانى «تۇركىستان ساقشىلارى» دەپ اتاعان. يدەيا اۆتورى — تەلەارنا قىزمەتكەرى عاسىر قۇرالباي. جاساندى ينتەللەكت مامانى ءمۋلتفيلمنىڭ العاشقى ءبولىمىن نەبارى 7 كۇندە جاساپ شىققان. ەڭ قىزىعى — العاشقى سەرياعا بار-جوعى 70 مىڭ تەڭگە جۇمسالعان.
عاسىردىڭ ايتۋىنشا، جاساندى ينتەللەكت باعدارلاماسىنىڭ اقىلى نۇسقاسىنا جازىلۋعا – 100 اقش دوللارى، انيماتسيالىق ءفيلمنىڭ ساۋندترەگىن جازدىرۋعا 20 مىڭ تەڭگە جۇمسالعان. سونداي-اق ول ءمۋلتفيلمنىڭ كەلەسى سەريالارى دايىندالىپ جاتقانىن، بولاشاقتا كينوتەاترلاردا كورسەتىلەتىن تولىققاندى كوممەرتسيالىق مۋلتفيلم ءتۇسىرۋدى جوسپارلاپ جۇرگەنىن ايتتى.
فيلم كەيىپكەرلەرى – اقپانتەر جىلدام ءارى باتىل بارىس، التىنقانات – ءبارىن بايقاعىش بۇركىت، تاسباتىر اتا – عاسىر جاساعان اقىلگوي تاسباقا. تۋىندى سيۋجەتى قاسيەتتى قالا تۇركىستاندى قاۋىپ-قاتەردەن قورعاپ، بالالاردى ادامگەرشىلىككە، مادەنيەتتىلىككە تاربيەلەيتىن ميفولوگيالىق كەيىپكەرلەردىڭ ارەكەتتەرىنەن قۇرالعان. ەۋى تۋرالى.
