АҚШ президенті Дональд Трамп The New York Times газетіне берген сұхбатында Конгреске өткен аралық сайлау нәтижелерін мойындауға және Демократиялық партия өкілдерімен жұмыс істеуге дайын екенін мәлімдеді, деп хабарлайды «Адырна» тілшісі.
«Мен бұл нәтижелерді сөзсіз мойындауға дайынмын. Біз демократтармен жұмыс істейміз және олармен ынтымақтастықты бастауды асыға күтеміз», – деді Трамп.
3 қарашада өткен Конгреске аралық сайлаудың қорытындысына сәйкес, демократтар Өкілдер палатасындағы бақылауды республикашылдардан тартып алуы мүмкін.
Америкалықтар Өкілдер палатасының барлық 435 мүшесін және Сенаттың 35 мүшесін сайлаған. Демократтарға төменгі палатадағы орын санын қазіргі 214-тен 218-ге дейін арттыру жеткілікті. Ал республикашылдар жоғарғы палатадағы бақылауды сақтап қалу үшін үш орыннан артық жоғалтпауы керек.
Ақ үй өкілі Республикалық партияның сайлаудағы нәтижесін бюллетеньдерде Дональд Трамптың есімі болмағанымен байланыстырды. Оның айтуынша, Трамптың жақтастары ол өзі сайлауға түскен кезде дауыс беруге белсендірек қатысады.
