Астанада елорданың 25 жылдығына орай жарық шоуы ұйымдастырылып, жүздеген дрон көкте қалқыды. Түрлі көріністерді бейнелеп, аспанды ерекше нұрға бөледі, деп хабарлайды "Адырна" ұлттық порталы tengrinewskz-ке сілтеме көрсете отырып.
⠀
Түрлі-түсті көріністермен көркемделген іс-шара 6 шілде күні кешке Тәуелсіздік даңғылындағы "Қазақ Елі" алаңында өтті.
⠀
Дрондар аспанда көздің жауын алатын түрлі-түсті фигураларды қалыптастырып, түнгі
аспанды қызықты жарық спектакліне айналдырды. Дрондардың ұшу хореографиясы елорданың 25 жылдығына арналған. Түнгі аспанда Астананың көрнекті нысандары жарық шамдарымен көрсетілді.
⠀
Бағдарлама шамамен 12 минутқа созылды. Шоуға 500 дрон қатысты. Астана әкімі баспасөз хатшысы Ақмарал Олжабаеваның айтуынша, шоу демеушілік қаражат есебінен ұйымдастырылған.
⠀
Related news
"Адырна" ұлттық порталы
