«Бір жарым айдың ішінде 400 жеке өтініш бойынша жұмыс жүргізілді». Зәкиева аралық есебін жариялады

Еліміздің Бала құқықтары жөніндегі уәкілі Динара Зәкиева әлеуметтік желідегі жеке парақшасына аралық есеп жариялады, деп хабарлайды “Адырна”. Динара Зәкиева Facebook желісіндегі жеке парақшасында: Құрметті достар, ағымдағы ай бойы Премьер-Министрдің орынбасары Т.Қ. Дүйсенова және мемлекеттік органдардың барлығымен Мемлекет басшысының балалық шақ саласындағы тапсырмаларын іске асыру бойынша жұмыс істеп келеміз. Негізгі бағыттар – профилактика жүйесін және көмек құралдарын құруды, сондай-ақ балаларға қатысты қылмыстар бойынша заңнамаға өзгерістер енгізуді және балалар қауіпсіздігін қамтамасыз ету; ерекше қажеттіліктері бар балалар мен ауылдық жерлерде тұратын балаларға арналған инфрақұрылым құру. Сонымен қатар, бұл және басқа да міндеттермен өңірлерде жұмыс істей бастадық. Жалпы алғанда, бір жарым айдың ішінде 4 аймаққа барып келдім. Енді күзде ҮЕҰ-мен, өңірлерлік БҚУ-дермен үлкен талқылау өткізуді жоспарлап отырмыз. Өңірлерге ұзағырақ мерзімге барып, аудан орталықтары мен ауылдарда жұмыс істейміз. Түрлі мемлекеттік органдармен бірлесе отырып, ата-аналармен көтерілетін мәселелер мен өтініштер бойынша үнемі кездесулер өткізіп жүрміз. Сондай-ақ, бір жарым айдың ішінде 400 жеке өтініш бойынша жұмыс жүргізілді – бұл емдеу мәселелері, дәрі-дәрмекпен қамтамасыз ету, зорлық-зомбылыққа қатысты, - деп аралық есебін жариялады. Естеріңізге сала кетейік, Алматыдағы “Арман Дала” лагерьінде болған жаға ұстатарлық оқиғадан кейін Зәкиева еліміздегі кей лагерь мен мекемелердің сапасы сын көтермей тұрғанын айтқан еді.